Пенсионерлер бойлоры талдап алар

20.06.2017

Пенсияларын ла ӧскӧ дӧ тӧлӧмирлерин Россияныҥ Пенсионный фонды ажыра алып турган ла бистиҥ республикада јадып турган 60 муҥ пенсионер ол акчазын кандый эп-аргала аларын бойлоры угузу бичикти электрон бӱдӱмле бичип, ведомствого барбастаҥ, талдап алар аргалу.

Россияныҥ Пенсионный фондыныҥ Алтай Республика аайынча бӧлӱгиниҥ пресс-службазыныҥ јетирӱзиле, јыл башталганынаҥ ала пенсияларды јетирери ле олорды јетиреечи организациялар керегинде электрон бӱдӱмле бичилген угузу бичиктердиҥ тоозы 3191-ге јеткен. Пенсияларды почтаныҥ колбузыныҥ бӧлӱги (айылына экелип берер эмезе бӧлӱкке барып, бойы алар) эмезе кредитный организация (акчаны вкладтыҥ эмезе банктыҥ картазыныҥ счетторына кӧчӱрер) ажыра алар аргалар бар. Бу эки арганыҥ кажызын талдап алары пенсионердиҥ кӱӱнинеҥ камаанду.
ПФР-дыҥ госјеткилдештерин электрон бӱдӱмле алары там ла элбейт, бистиҥ республикада госјеткилдештердиҥ 72 процентин электрон бӱдӱмле алгылайт.

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым