Настройки отображения
Настройки шрифта:
Выберите шрифт Arial Times New Roman
Интервал между буквами (Кернинг): Стандартный Средний Большой
Выбор цветовой схемы:
Алтайдын Чолмоны
«Чуйдыҥ јолы» автомаҥтадыш
22.06.2017
Россияныҥ кӱнине, Чуйдыҥ јолыныҥ 95 јылдыгына, АР-дыҥ бӱдӱреечи јаҥыныҥ физкультура ла спорт аайынча органыныҥ 80 јылдыгына, Россияныҥ ДОСААФ-ыныҥ 90 јылдыгына учурлалган «Чуйдыҥ јолы—најылыктыҥ, јашӧскӱримниҥ, спорттыҥ јолы» деп адалган автомаҥтадыш ӧткӧн.
Кичӱ изӱ айдыҥ 12-чи кӱнинде Горно-Алтайсктаҥ башталган бу автомаҥтадыштыҥ туружаачылары Кош-Агаш аймакта Тожоҥты јуртка једип, ойто кайра једип келгендер. Jол-јорык ӧйинде кӧп тоолу солун керек-јарактар ӧткӱрилген. ол тоодо «Поисковое движение России» деген Текшироссиялык јондык кыймыгуныҥ бистиҥ республикадагы бӧлӱгиниҥ Ада-Тӧрӧл учун Улу јууга учурлалган кӧрӱлери тургузылган, викториналар, ченелтелӱ маргаандар, спортчыларга мастер-класстар ӧткӱрилген ле ӧскӧ дӧ керектер болгон. Кӧлӱктерле кожо Чуйдыҥ узуны 350 километр јолын аҥылу велосипедтерлӱ Евгений Смага ла Олег Собчак ӧдӱп чыккан.
Jашӧскӱримниҥ политиказы, физкультура ла спорт аайынча республикан комитет «ДОСААФ России» деген Текшироссиялык јондык-государственный организацияныҥ Алтай Республикадагы бӧлӱгиле кожо ӧткӱрген бу автомаҥтадыштыҥ амадузы тӧрӧлчи кӱӱн-санаа ажыра бистиҥ республиканыҥ албаты-јонын бириктирери болгон.
ТОП
«Гуркин» деген телекей: ачылталар ла јажыттар
Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы
«Јурукчыныҥ јуртын орныктырары – тӧс иш»
Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны
«Баатырларыс ойгонып калды…»
(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым