Jондык биригӱлерди јӧмӧп

27.06.2017

Коммерциялык эмес биригӱлердиҥ јонјӱрӱмдик учурлу ӱлекерлериниҥ муниципал кӧрӱзиниҥ турулталары јуукта Горно-Алтайскта эдилди.

Башка-башка мӱргӱӱл јаҥду улус, ол тоодо јашӧскӱрим, эптӱ-јӧптӱ јадарына, кӧгӱс-ой ло культуралык јаҥжыгуларды орныктырарына ла корыырына јӧмӧгӧн ӱлекерлер ортодо јеҥӱни Горно-Алтайский университеттиҥ студенттериниҥ ле аспиранттарыныҥ баштамы профсоюз биригӱзиниҥ ӱлекери јеҥип чыккан. Ол «Алтай кышту деген культуралык фестиваль: Алтай-Сайан туулык јердиҥ калыктарыныҥ јаҥжыгулары ла чӱм-јаҥдары» деп адалат.
Коммерциялык эмес биригӱлердиҥ ижин јӧмӧӧр, Горно-Алтайскта јонјӱрӱмдик керектерге бойыныҥ кӱӱниле болужар кыймыгуны элбедер амадулу ӱлекерлер ортодо 1-кы јерге «АЛТАМ-2017: Эрчимдӱ граждандардыҥ школы» деген ӱлекер чыккан. Оны «ИнтегРА» деген јондык биригӱ белетеген.
Муниципал кӧрӱде јеҥӱ алган јондык биригӱлерге адалган ӱлекерлерин јӱрӱмде бӱдӱрерге 50 муҥ салковой јӧмӧлтӧ акча берилер.

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым