«Вестник Горно-Алтайска»—20 јыл

04.07.2017

Горно-Алтайск каланыҥ неделе сайын кепке базылып турган «Вестник Горно-Алтайска» газеди јаан изӱ айдыҥ 3-чи кӱнинде бойыныҥ 20 јылдыгын темдектеди.

—Газет јаҥы ла тӧзӧлип турарда, оныҥ учредительдери каланыҥ депутаттарыныҥ Соведи ле «Звезда Алтая» ЗАО болгон. Баштапкы тиражы 999 экземпляр, сегис бӱкле кепке базылган ла Алтай Республиканыҥ Кӱнине учурлалган болгон—деп, газеттиҥ бӱгӱнги баш редакторы Алексей Ивашкин айдат. Газеттиҥ баштапкы каруулу качызы Владимир Максимов газеттиҥ логотипин белетеген, шрифттерди талдаган, газеттиҥ сомын тургускан. Газетте јарлу журналисттер иштеген ле иштеп јат.
2000 јылда газеттиҥ тиражы 3,5 муҥга јеткен, је бир канча шылтактардаҥ улам газет бир канча ӧйдиҥ туркунына чыкпай барган. Jе оноҥ оныҥ ижи орныктырылган. Озо баштап газет «Наш город» деп адалган болгон, је соҥында бӱгӱнги адыла адалган.

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым