Настройки отображения
Настройки шрифта:
Выберите шрифт Arial Times New Roman
Интервал между буквами (Кернинг): Стандартный Средний Большой
Выбор цветовой схемы:
Алтайдын Чолмоны
Гран-кыйуныҥ сурактарына учурлалган
05.07.2017
АР-дыҥ Башкарузыныҥ Председателиниҥ Баштапкы ордынчызы Роберт Пальталлер гран-кыйуныҥ сурактары аайынча АР-дыҥ Башчызындагы, Башкарузыныҥ Председателиндеги камыстыҥ јуунын ӧткӱрди.
Jуунда государственный гран-кыйуны јакалай аймактардыҥ јербойында бойы башкарынары аайынча органдарыныҥ госграницаныҥ ла оныҥ јанында јерлердеги аҥылу административно-правовой ээжилерди бӱдӱрериле колбулу сурактары шӱӱжилип кӧрӱлген. Ол ээжилерди бӱдӱрери канайда ӧдӱп турганы керегинде јетирӱни Россияныҥ ФСБ-зыныҥ пограничный башкартузыныҥ Алтай Республика аайынча бӧлӱгиниҥ јааны Николай Пахер эткен. АР-дыҥ талалык ӧзӱм аайынча министри Николай Кондратьев гран-кыйуныҥ бӧлӱгинде 2020 јылга јетире ӧйдиҥ туркунына бӱдӱретен транспортный ла ӧскӧ дӧ ӱлекерлер керегинде куучындаган. Оныҥ айтканыла, Кош-Агаш аймакта Тожоҥты јуртта јолды јакалай сервистиҥ объекттери шиҥделет, олор некелтелерге келиштиртилер. Гран-кыйуны кечип турган улуска јарамыкту јеткилдеш тӧзӧӧри јанынаҥ база куучын болгон.
ТОП
«Гуркин» деген телекей: ачылталар ла јажыттар
Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы
«Јурукчыныҥ јуртын орныктырары – тӧс иш»
Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны
«Баатырларыс ойгонып калды…»
(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым