Кышка канча ла кире эрте белетенер

Горно-Алтайск каланыҥ администрациязында жилкомхозты кышка белетеери јанынаҥ иштеп турган штабтыҥ јууны ӧтти.

Объекттерди јылдыҥ соок ӧйине белетеери планда темдектелгени аайынча ӧдӧт деп, јуунда айдылды. Кезик ууламјылардагы иштер графикти озолоп туру.
Бӱгӱн котельныйлардыҥ 38 проценти, јылу баратан сетьтердиҥ 80 проценти, суу баратан сетьтердиҥ 55 проценти, теплопункттардыҥ 40 проценти, элетросетьтердиҥ 57 проценти, трансформаторный подстанциялардыҥ 54 проценти белен.
Управляющий компаниялар ла ТСЖ-лар улус јадып турган туралардыҥ 51 процентин, чокымдап айтса, 123 тураны белетеп салган.