Тӧс каланыҥ садузына чыгар

04.08.2017

Бистиҥ республиканыҥ јурт ээлеминиҥ продукциязын Россияныҥ тӧс калазында садарын элбедери АР-дыҥ јурт ээлем аайынча министерствозынныҥ тӧс амадуларыныҥ бирӱзи болуп јат.

Алтай Республиканыҥ Башкарузыныҥ Председателиниҥ ордынчызы, јурт ээлем аайынча министр А. Манзыров бу суракка јаан ајару эдет.
Москвада саду ӧткӱретен јерлерди арендага аларыла, продукцияны ого јетирериле, оныҥ бӱдӱмдери кандый болорын чокымдаарыла колбулу сурактар туку качан јарталып калган.
Ажындыра јӧптӧшкӧни аайынча саду оптово-розничный садуныҥ «Фуд-Сити» деп тӧс јеринде ӧткӱрилер. Москвада садыжатан организациялардыҥ тоозына «Майма-молоко», «Нарине», «Алтын-Суу», Чаргыдагы сарју ла сыр эдетен завод, «Золотое руно», «Деликатесы Горного Алтая», «Биостимул», «Горно-Алтайск фарм» ла албатыныҥ устарыныҥ «Энчи» деп тӧс јери.
Бу тооломолго ӧскӧ дӧ организациялар кирер аргалу деп, министерствоныҥ јетирӱзинде айдылат.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина