Грант ойноп алган

07.08.2017

«Балтийский Артек» деп бастыраросссиялык форумныҥ федеральный сменазы Балтийский талайдыҥ јарадында ӧтти.

«Jиит ӱредӱчилер» деп профильный сменаны ӱренчиктердиҥ бастырароссиялык кыймыгузы тӧзӧп-ӧткӱрген, мында Россияныҥ 70-неҥ кӧп субъекттеринеҥ 400-теҥ кӧп јиит ӱредӱчилер турушкан. Алтай Республиканыҥ делегациязына Маймадагы школдыҥ педагогы Д. Березикова, Кан-Оозындагы школдыҥ ӱредӱчизи Т. Туганбаева, ӱренчиктердиҥ бастырароссиялык кыймыгузыныҥ таладагы координаторы Я. Алмадакова кирген.
Ороонныҥ ады јарлу эксперттери јиит ӱредӱчилерле кожо мастер-класстар, тренингтер, семинарлар ӧткӱрип, лекциялар кычыргандар.
Грант алары јанынаҥ тартыжуда 294 ӱлекер турушкан, жюри оноҥ 30 ӱлекерди талдап алган. Jеҥӱчилдердиҥ тоозына Кан-Оозында Ч. Кыдрашевтиҥ адыла адалган школдыҥ ӱредӱчизи Тандалай Туганбаева кирди.

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым