Jаҥжыккан рейдтер

15.08.2017

Алтай Республиканыҥ госавтоинспекциязы «Балдардыҥ отургыжы» деген рейд ӧткӱрери јаҥжыгып калган.

Бу керектиҥ амадузы—ада-энезиле кожо кӧлӱктӱ јорыктап турган балдардыҥ су-кадыгын чеберлеери ле сынык-бычык, јеткер болбозын ажындыра јеткилдеери.
ГИБДД-ныҥ ишчилери таҥ эртен тура, ада-энелер балдарын экелер тушта, садиктердиҥ јанында туруп алала, кандый кӧлӱкте балдардыҥ отургыштары барын, кандыйында јок болгонын ширтеп кӧргӧндӧр.
Анайып, балдарды кӧлӱктерле тартарыныҥ ээжи-некелтелерин бускан бир канча учуралдар илезине чыгарылды.
Анчада ла Кош-Агаш, Чамал ла Шабалин, Кӧксуу-Оозы, Кан-Оозы, Оҥдой, Турачак ла Улаган аймактарда ондый учуралдар кӧп болды. Горно-Алтайскта онноҥ ажыра учурал болгон деп, Алтай Республиканыҥ МВД-зыныҥ пресс-службазы јетирет.
Jолдорло јӱрӱжериниҥ ээжилеринде айдылганыла, 12 јашка јеткелек балдарды кӧлӱкле ары-бери тартар тушта олордо курлу отургыштар болор јаҥду. ГИБДД-ныҥ ишчилери ондый некелтени база катап эске алындырат. Мындый ээжини бускан кижи административный јанынаҥ каруузына тургузылар. Олор 3 муҥ салковойдыҥ штрафын тӧлӧӧр.

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым