1 млн гектардаҥ кӧп

Ар-бӱткенниҥ байлыктары, экология ла јӧӧжӧлик колбулар аайынча министр А. Алисовтыҥ јетиргениле, Алатай Республикада мӧштӧр ӧзӱп турган тайгалардыҥ текши кеми 1,1071 млн гектар.

Калганчы 27 јылдыҥ туркунына олордыҥ кеми 240 муҥ гектарга элбеген. Мӧштӧрди кезер иш јӱк ле кургаган, «оорыган» агаштарды јыккан айас ӧткӱрилген.
Министрдиҥ айтканыла, совет ӧйинде мӧштӱ аркаларды талдаш-кичееш јогынаҥ јоголткондор, ол ӧйдӧ 200-300 кубометр агаш белетелген. 1989-1990 јылдарда мӧштӱ тайгалардыҥ кеми 867 гектар болгон.