Башкаруныҥ јууны ӧтти

21.08.2017

Ӧткӧн неделеде Алтай Республиканыҥ Башкарузыныҥ ээчиде јууны ӧтти. Текши тооло 18 сурак шӱӱжилген јуунды АР-дыҥ Башчызы, Башкарузыныҥ Председатели А. Бердников башкарып ӧткӱрген.

Jуунды баштап тура, А. В. Бердников школдор, ӱредӱниҥ ӧскӧ дӧ учреждениелери ӱредӱлӱ јылга канайда белетенген деп соныркады. Алтай Республиканыҥ ӱредӱ ле билим аайынча министри А. Бондаренконыҥ јартаганыла, бӱгӱн ӱредӱниҥ 221 учреждениезинде чыныктаачы иштер ӧткӱрилет, олордыҥ 203 јаҥы ӱредӱлӱ јылга белен. Арткан 18 объект ӧйлӱ-ӧйинде иштеп баштаар. Шабалин аймакта ӱч школдо—Апшыйактуда, Камлакта ла Чичке-Чаргыда чыныктаачы иштерди тӱргендедер керек.

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым