Быјыл 65 километр јолдор чыныкталар

08.09.2017

«Алтай» Упрјол Чуйдыҥ јолын чыныктаачы иштерди оноҥ ары улалтканча. 2017 јылда чыҥдыйы бийиктедилген јолдордыҥ текши узуны 65,5 километр болор.

Эҥ ле кӧп иштер Майма аймактыҥ јеринде ӧткӱрилер: коммуникациялар кӧчӱрилер, оныҥ кийнинеҥ тӧрт полосалу 2,7 километр јолды тудары башталар.
Ол Энергетиктердиҥ оромыла одоштой ӧдӱп, Чуйдыҥ јолына Карлушканыҥ тужынаҥ чыгып барар. Мында башка-башка јанынаҥ келген кӧлӱктер бойыныҥ ууламјызын таап, јолын оноҥ ары улалткадый эки кат эптӱ јазал (развязка) болор. Планда темдектелгениле, бу объект 2019 јылда иштеп баштаар, баазы—790 миллион салковой.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина