Сервистиҥ чыҥдыйы бийиктеер

11.09.2017

Алтай Республикада ла Алтай крайда јолдордыҥ кырында турган магазиндердиҥ, киосктордыҥ, заправкалардыҥ ла ӧскӧзиниҥ де айалгазын шиҥдеп-кӧрӧри аайынча элбек иштер ӧткӱрилген.

Бу јуукта оныҥ турулталары шӱӱжилген. Алтай Республиканыҥ јериле ӧткӧн Чуйдыҥ јолында бастыра сервистиҥ 121 объеги иштейт. Специалисттердиҥ шӱӱлтезиле, бу јолдо јаҥыдаҥ ӧскӧ комплекстерди тутпаза да кем јок, не дезе, олор туристтер кӧптӧгӧн дӧ ӧйдӧ олорды јеткилинче јеткилдейт.
Шиҥжӱ ӧйинде Росавтодорло јӧптӧжӱ тургуспай иштеп турган предприятиелер база туштаган, олорго керектӱ документтерди тӱрген белетезин деп јакылта берилген.
Федерал јолдыҥ јанындагы сервистиҥ объекттериниҥ чыҥдыйын бийиктедер, оны телекейлик стандарттардыҥ некелтелерине јетирер ишти ӧнӧтийин тӧзӧлгӧн ишмекчи группа шиҥдейт. Ого јолдор јазаачы оргнизациялардыҥ специалисттери, ГИБДД-ныҥ ишчилери кирет.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина