Рустам Минниханов—Алтай Республикада

12.09.2017

Татарстанныҥ Президенти Рустам Минниханов кече Алтай Республикада ишмекчи јол-јорыкла болгон. АР-дыҥ Башчызы Александр Бердников делегацияны тергеениҥ гран-кыйузында уткыган.

«Слер ажыра бастыра улу татар албатыны уткып турум. Слердиҥ албаты бистиҥ улу Россия Федерацияда амыр-энчӱ, турумкай айалганы ла албатылар ортодо оҥдожуны чеберлеп аларына јаан камаанын јетирген. Слерге ле бастыра татар албатыга ичкери ӧзӱм кӱӱнзейдим»—деп, Александр Бердников кӱндӱлӱ айылчыларга баштанган.
Рустам Минниханов Алтай Республикадӧӧн јол-јорыкты аҥылу учурлу деп темдектеген.
«Алтай Республика—аҥылу субъект, бистиҥ ороонныҥ оморкодузы—деп, ол айткан.—Бӱгӱн бис кеми јаан ӧмӧ-јӧмӧ иш бӱдӱредис. Текши тазыл-тамырларды табарга, тӱӱкиниҥ ле археологияныҥ бӧлӱгинде ӱлекерлерле иштейдис. Бистиҥ јол-јорыгыс субъекттер ортодо колбуларды тыҥыдарына тебӱ берерине иженедим».
Туштажу ӧйинде «Алтай—Евразияныҥ јӱреги» деген кереес-темдектиҥ јанында экскурсия ӧткӧн. Бу кереести Татарстан Республика Туулу Алтайдыҥ албаты-јонына алтай албаты Россияныҥ составына бойыныҥ кӱӱниле киргениниҥ 250 јылдыгын темдектеп турар тушта сыйлаган болгон. Кереестиҥ јанында алты мӧш отургызылган.
Jол-јорык ӧйинде тергеелердиҥ башкараачылары ишмекчи туштажу ӧткӱрип, эки тергее ортодо колбулар тудары, ӧмӧ-јӧмӧ иштер бӱдӱрери јанынаҥ сурактар аайынча куучын-эрмек ӧткӱрген.
«Татарстан—экономиказы бийик ӧзӱмдӱ ле аргалары јаан тергее. Бис авиаколбу, туризм, фармацевт кластер јанынаҥ ӧмӧ-јӧмӧ иштеерин темдектейдис»—деп, Александр Бердников айткан. Рустам Миннихановтыҥ аҥылаганыла, анайда ок саду-экономикалык колбулар јанынаҥ бистиҥ тергеелер ортодо јаан аргалар база бар.
Тергеелердиҥ башкараачыларыныҥ айтканыла, эки тергее ирбисти корып ла чеберлеп алары јанынаҥ ӱлекерле ӧмӧ-јӧмӧ иштеер. Бу тындуныҥ сӱри Татарстанныҥ да гербинде бар. Бистиҥ ороондогы 70 кире ирбистердиҥ 30 кирези Туулу Алтайда јӱрет. Озолондыра јӧптӧжӱле, Татарстан Республиканыҥ јеринде ирбистиҥ балдарын ӧскӱретен питомник тӧзӧлӧр. Олор јаанай берзе, олорды Туулу Алтайдыҥ јериндӧӧн божодор ло олорды ӧмӧ-јӧмӧ кичеер. Рустам Минниханов бу ӱлекерди Россияныҥ ар-бӱткен аайынча министерствозы јӧмӧп јат деп куучындаган.

АР-дыҥ Башкарузыныҥ пресс-службазы

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым