Школдо јуучыл-патриотический клуб ачылган

21.09.2017

Чой аймакта Паспаулдыҥ школында «Высота» деп јуучыл-патриотический бедиреечи клуб ачылган. Ол «Вымпел» деп республикан тӧс јердиҥ бир бӧлӱги болуп јат.

Кӧдӱриҥилӱ јуунда 18 ӱренчик курсанттыҥ адын ададып, черт-сӧзин айткандар. Паспаулдагы школ балдардыҥ ла јииттердиҥ «¯ренчиктердиҥ Россиядагы кыймыгузы» деп текшироссиялык биригӱзиниҥ ченелтелӱ иштер ӧткӱретен ле ченемел алыжатан јери болуп јат.
Быјыл кандык айда ӱзеери ӱредӱниҥ республикадагы тӧс јери, «Вымпел» деп республикан тӧс јер ле Паспаулдагы школ ӧмӧ-јӧмӧ иштеери керегинде јӧптӧжӱге кол салгандар.
Клуб ачылганыла колбой Республиканыҥ башкараачылары А. Бердников ло М. Маргачев курсанттарга уткуулду сӧстӧрин айттылар.

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым