Кышка белен

Бу јуукта Алтай Республиканыҥ су-кадыкты корыыры аайынча министри В. Пелеганчук селектор ажыра јуун ӧткӱрген. Ондо республиканыҥ медицинала колбулу организацияларыныҥ башкараачылары туруштылар.

Шӱӱжилген сурактардыҥ тоозында эмчиликтерди кышка белетеер иш канайда ӧдӱп турганы керегинде болды.
АР-дыҥ муниципал тӧзӧлмӧлӧриндеги эмчиликтердиҥ баш врачтарыныҥ отчетторыла болзо, јылдыҥ соок ӧйине белетенетен иштер бастыразы бӱткен—одыру-одын тартылган, туралар, кыптар јылулалган, јылу беретен оборудование ле јазалдар чыныкталган.
Министр аймактардагы бир кезек эмчиликтердиҥ башкараачыларына грипптеҥ прививка эдерин јылгырладары керегинде кычыру этти.