Ады јарлу јорыкчы Горно-Алтайскта

29.09.2017

Ады јарлу јорыкчы, Орус географический обществоныҥ турчызы Иван Ширяев Горно-Алтайскка келди.

Бу кижи бойыныҥ алдына сӱрекей јаан амаду тургускан—Россияныҥ бастыра 1122 кала-городторын айланып келери. И. Ширяев бойыныҥ јол-јорыгына «Кореядаҥ ала Карелияга јетире» деп ат берген. Бу јорыгын баштаганынаҥ бери 5 јыл ӧтти. Ол «автостоп» (токтоткон ло шофердыҥ машиназына отурып алары) эп-сӱмеле јорыктайт.
«Мениҥ билеримле, Россияныҥ бастыра калаларында болгон кижи эм тура јок, оныҥ учун мен амадумга кыйалтазы јогынаҥ једер учурлу»—деп, јорыкчы куучындаган.
МЧС-тыҥ пресс-службазыныҥ јетиргениле, Ширяев Россияныҥ МЧС-ныҥ куртказын јаантайын кийип јӱрет. Кайда ла барза, оныҥ токтойтон јери МЧС-тыҥ организациялары.

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым