«Туулу Алтай» ГТРК-ныҥ берилтелери—текшилей

29.09.2017

Бистиҥ тергеениҥ албаты-јоныныҥ 97 проценттеҥ кӧбизи «Туулу Алтай» ГТРК-ныҥ программаларын чыҥдыйы бийик цифровой бӱдӱмле акча тӧлӧбӧзинеҥ кӧрӧр аргалу болуп калган. Мындый арганы телекӧрӧӧчилер «Россия

Федерацияда телерадиоберилтениҥ ӧзӱми» деген федерал адылу программаныҥ шылтузында алган. Бу программа аайынча ороонныҥ албаты-јоны цифровой эфирный телерадиоберилтениҥ составына кирип турган тергеелик (јербойындагы) берилтелерле јеткилделер. Бистиҥ республиканыҥ эл-јоны 10 текшироссиялык телеканалдарды јаҥы цифровой бӱдӱмле бир канча јылдардыҥ туркунына кӧрӱп келген ле эмдиги ӧйдиҥ телекӧрӱлтезиниҥ аргаларын бийик баалаган.

Кӧп улус јаҥы телевизорлор эмезе телевизорлордыҥ приставкаларын садып алган. «Цифровой» телевизордыҥ сок јаҥыс једикпези телепрограммалардыҥ пакединде «Туулу Алтай» ГТРК-ныҥ программазы мынаҥ озо јок болгоныла колбулу болгон. Jе эмди эл-јонды чыҥдыйы бийик телерадиоберилтелерле јеткилдеериниҥ государственный программазын бӱдӱрериниҥ јаҥы бӧлӱги келди—цифровой телекӧрӱлтениҥ регионализациязы.
Радиотелевизионный передающий центрдиҥ специалисттери республиканыҥ 147 јуртында јаҥы јазалдар тургузары јанынаҥ элбек кемдӱ иштер ӧткӱрет. Бу иш бӱткен соҥында, республиканыҥ эл-јоныныҥ 97 проценттеҥ кӧбизи јербойыныҥ алтай ла орус тилдерле јарлалып турган солундарын цифровой каналдардаҥ кӧрӧр лӧ угар аргалу болор. Эмди телекӧрӱлтениҥ табыжыныҥ ла ӧҥиниҥ чыҥдыйы бийик болор.
«Цифровой» телевизор кӧрӧргӧ, улус бойыныҥ телевизорлорында кандый да кубулталар этпес. Jе специалисттердиҥ шӱӱлтезиле, каналдардыҥ автоматический поискин иштетсе, эмезе јуруктар «зависать» этпезин деп, телевизорды јаҥыдаҥ иштетсе, артыкташ болбос. Цифровой эфирный телекӧрӱлтени кӧрӧринде кандый да уур-кӱчтер боло берзе, телекӧрӧӧчилер болуш-јартамал аларга, консультационный јӧӧмӧлтӧниҥ тӧс јерине 8 (38822) 2-88-04, 2-23-00 телефондорло эмезе мындый сурула баштанар аргалу: Горно-Алтайск кала, Коммунистический проспект,76 (ЦУМ-ныҥ туразы, 3-чи этаж), Email:rtpcra@mail.gorny.ru.
Аналоговый эфирный берилте республикада мынаҥ да ары иштеер, аналоговый передатчиктерди токтодоры 2018 јылдыҥ туркунына ӧдӧри темдектелген. Оныҥ да учун кем эмдиги ӧйдиҥ DVB-T2 стандарты бар телевизорлорды эмезе цифровой приставкаларды садып албаган болзо, олорды садып аларын узакка артырбазын.
База катап бистиҥ кӱндӱлӱ телекӧрӧӧчилериске баштанадыс: «Вести Эл-Алтай» программаны «Россия-1» телеканалдаҥ кӧрӧр арга бар. Солундардыҥ алтай тилле берилтелери кажы ла кӱн 6-35, 8-35, 17-40 (субтитрлерлӱ) сааттарда, орус тилле—7-35, 14-40, 20-45 сааттарда болор. Сибирьдиҥ солундары керегинде бис 11-40 саатта куучындап јадыс. «Неделиниҥ солундары» деген адакы берилтелер эфирге субботтор сайын алтай тилле 8-00 саатта ла воскресень кӱнде орус тилле 8-45 саатта чыгар. Алтай тилле тематикалык программалар кажы ла четвергте 9-00 сааттаҥ ала 10-00 саатка јетире, субботтор сайын эки тилле эртен тураныҥ 8-20 саадынаҥ ала 9-20 саатка јетире ӧйдиҥ туркунына ӧдӧр.

ТОП

Итоги спортивных состязаний Эл Ойына-2018

В празднике участвовало более 700 спортсменов и жителей из 11 муниципальных образований Республики Алтай, а также спортсмены и гости из других регионов России: Тывы, Хакасии, Якутии, Новосибирской и Кемеровской области, Алтайского края. Так, в соревнованиях участвовали и именитые спортсмены (Кандидаты в мастера спорта – 31 чел., Мастера спорта России – 31 чел, 4-е Мастера спорта

ПРОГРАММА XVI Межрегионального праздника алтайского народа «Эл-Ойын 2018» урочище Межелик Улаганского района Республики Алтай

28 июня до 17.00 — Заезд участников и гостей праздника 19.00- — Заседание Оргкомитета 20.00-21.30 — Фестивальная программа «От-очокты кӱреелей» (Встреча гостей) (Малая сцена) 29 июня 6.00- — Мӱргӱӱл (обряд освящения) 9.00- — Соревнование «Алтай шатра» 11.00-12.40 -Торжественное открытие и театрализованное представление (Главная сцена) 12.40- — Открытие Выставочного центра (Город мастеров) 13.00-18.45 — Конкурс «Презентация