Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Сӱрлӱ де, јараш та…

03.10.2017

    Сыгын айдыҥ 28-30 кӱндеринде Горно-Алтайскта спортивный акробатикала Алтай Республикаҥыҥ Башчызыныҥ, Алтай Республиканыҥ Башкарузыныҥ Председателиниҥ сыйына учурлалган текшироссиялык маргаандар ӧткӧн.

Маргаандарды Алтай Республиканыҥ Башчызы, Алтай Республиканыҥ Башкарузыныҥ Председатели А. В. Бердников ачып, бу маргаандар 2011 јылдаҥ ала ӧткӱрилип турганын, маргаандардыҥ туружаачыларыныҥ тоозы јылдаҥ јылга кӧптӧп турганын темдектеп, спортчыларга јаан једимдер ле јаркынду јеҥӱлер кӱӱнзеди.
Маргаандардыҥ ачылтазында А. В. Бердниковко спортивный акробатиканыҥ ӧзӱмине јаан јӧмӧлтӧзин јетиргени учун Россияныҥ спортивный акробатика аайынча федерациязыныҥ Быйанду самаразы табыштырылды.
Маргаандарда Россияныҥ он бир талазыныҥ ла он беш калазыныҥ (Красноярский край, Омский область, Томский область, Татарстан Республика, Тюменьский область, Свердловский область, Башкортостан Республика, Кемеровский область, Ханты-Мансийский автономный округ, Пермский край, Алтай Республика, Красноярск, Омск, Томск, Набережные Челны, Ялуторовск, Березовский, Салават, Аҥжеро-Суженск, Урай, Уфа, Лениногорск, Альметьевск, Горно-Алтайск, Казань, Пермь) командалары ла спортчылары турушкандар. Акробатиканыҥ кебизине ӱч кӱнниҥ туркунына бастыра 197 спортчы чыккан. Jаргычыларла, тазыктыраачыларла кожо бастыра текшилей 277 кижи болды. 42 тазыктыраачыдаҥ 4 кижи телекейлик категориялу арбитрлер болды.
Ӱч кӱнге улалган маргаандардыҥ турулталарыла тӧртӧн тогус кижи спорттыҥ узыныҥ, тӧртӧн кижи спорттыҥ узына кандидаттыҥ ла бежен тӧрт кижи баштапкы спортивный разрядтыҥ нормативтерин бӱдӱрдилер.
Ӱй улустыҥ эжерлериниҥ многоборьезинде он тӧрт јаштаҥ ӧрӧ туружаачылар ортодо баштапкы јерге Олеся Черепанова ла Екатерина Исаева (Горно-Алтайск) чыккандар. Экинчи ле ӱчинчи јерлерди Виктория Голубцова ла Екатерина Милякина (Урай, ХМАО) Яна Батманова ла Ангелина Батманова (Казань) ӱлешкендер. Бу эжерлер спорттыҥ узыныҥ нормативин бӱдӱрип салгандар.
Баштапкы спортивный разрядтыҥ программазы аайынча маргышкан ӱй улустыҥ эжерлери ортодо (тогустаҥ он сегис јашка јетире) баштапкы јерди Уфаныҥ, экинчи јерди Томсктыҥ спортчылары аларда, ӱчинчи јерди бистиҥ спортчылар — Екатерина Матина ла Галина Ромашкина алдылар. Олор бу маргаандарда баштапкы спортивный разрядтыҥ нормативин бӱдӱргендер.
Эр улус ортодо тӧрт кижидеҥ турган командалар ортодо баштапкы спортивный разрядтыҥ программазыла турушкан спортчылар ортозында баштапкы јерди Горно-Алтайсктаҥ Стефанн Молчанов, Владислав Кыпчаков, Эмил Ялбаков, Дмитрий Иваницкий алдылар.
Спорттыҥ устарыныҥ программазы аайынча турушкан акробаттар ортодо баштапкы јерге Башкортостанныҥ Салават калазыныҥ командазы чыккан. Экинчи јерде Татарстаннаҥ Набережные Челны калазыныҥ, ӱчинчи јерде дезе Свердловский областьтыҥ Березовский калазыныҥ командалары арткандар.
Ӱй улус ортодо спрттыҥ узыныҥ кандидадыныҥ программазын тузаланган туружаачылар ортодо пьедесталдыҥ эҥ бийик тепкижине Омск каладаҥ София Васильева, Анна Сорока ла Надежда Парыгина кӧдӱрилгендер.
Экинчи јерге — Горно-Алтайсктаҥ Ольга Матина, Алина Мосиенко, Айдыҥай Иташева, ӱчинчи јерге Татарстанныҥ Казань калазынаҥ Саида Сейдова, Татьяна Обухова, Ксения Куприянова чыккандар.
Баштапкы спортивный разрядтыҥ прграммазы аайынча тартышкан спортчылар ортодо баштапкы јерде Горно-Алтайсктаҥ Сарра Молчанова, Анна Преображенская, Алина Пушкарева. Экинчи ле ӱчинчи јерлерди Свердловский областьтыҥ Березовский калазыныҥ спортчылары ӱлештилер.
Мынайып, маргаандар тӱгенди. Баш јаргычы Елена Анатольевна Панкратова (Перьм), айылчылар ла маргаанныҥ туружаачылары, келген ада-энелер бастырароссиялык турнир бийик кеминде ӧткӧнин темдектеп, Алтай Республиканыҥ спортивный акробатика аайынча федерациязыныҥ јааны Алсу Рудольфовна Тишковага ла Алтай Республиканыҥ Башчызы, Алтай Республиканыҥ Башкарузыныҥ Председатели А. В. Бердниковко алкыш-быйанын айттылар.
Бийик категориялу телекейлик кемдӱ јаргычы Е. А. Панкратова: «Маргаандар бийик кеминде ӧтти.  Зал телекейлик стандарттарга келижип јат. Маргаандардыҥ кеми јылдаҥ јылга бийик ӧзӱм алынып јат. Алтай Респуликаныҥ Башкарузы спортивный акробатикага јаан ајару эдип турганы иле кӧрӱнет.
Россияныҥ нерелӱ тазыктыраачызы Б. Н Маямсин (Томск): «Канча јылга улай иштеп јадырым. Кӧп талаларда болгом, је мындый јӱк ле акробатикага учурлалган залды кайда да кӧрбӧгӧм.     Маргаандар бийик кеминде ӧткӧн. Оны тӧзӧп ӧткӱрген улуска јаан быйан айдып турум.
Алтай Республиканыҥ депутады А.В. Иташев: «Ада-энелердиҥ адынаҥ маргаандарды ӧткӱрген улуска јаан быйанымды айдадым. Маргаандар бийик кеминде ӧткӱрилди. Бистиҥ тазыктыраачы Алсу Тишковага быйанымды айдадым. Бистиҥ спотчылар Россиялык кеминде бийик једимдерге јеткениле оморкоп турус.
Адакыда 2018 јылдыҥ куран айында бистиҥ республикада Россияныҥ спортивный акробатика аайынча јуунты командазыныҥ белетеништӱ сборлоры ӧткӱрилери темдектелген деп, айдар керек.

В. Бахрамаев

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина