Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Ајару ла килемји—јаан јашту улуска

06.10.2017

Елена Ундубасовна Шабыкова сегизен јажын тулаан айда темдектеген. Азый колхоз-совхоз ӧйинде ӱредӱзи аайынча агроном болуп иштеген.

Эмди амыралтада да болзо, је Елена Ундубасовна, тегин отурарын сӱӱбес кижи, таҥынаҥ аргачы болуп, «У Елены» деген турбаза ачкан. Jол-јорыкта јӱрген улус Jаламан-Оозында бу турбазаны јакшы билер. Аргачы эјебис эбире јылына ондо ло јадып, кӧп тоолу туристтерле кӧнӱ иштеп јат.
Эптӱ, јараш јерде турган турбазага Новосибирсктеҥ, Кемероводоҥ ло ӧскӧ дӧ јерлердеҥ јарлу билимчилер, археологтор, эмчилер келет. Мында Монголия јаар барып јадала, јарлу эмчи-офтальмолог Э. Мулдашев те болгон. Елена Ундубасовнаныҥ билбези јок. Алтайдыҥ эм ӧлӧҥдӧрин, таштарын, Кадын ичиниҥ тӱӱкизин јакшы билер, музейи сӱреен јилбилӱ, байлык.
Елена Ундубасовна Алтайыла, ар-бӱткениле тудуш. Бойы јайаан јайалталу, бичинер де, алканар да, алкаар да. Алтайыныҥ ару сындарыла кара јойу јӱрерин сӱӱр. ²ткӧн јылда ол бир бӧлӱк улусла кожо Jаламанныҥ бажында Кӱркӱре деген учар сууга јӱрген. Бот, бисте кандый јилбилӱ, солун улус бар.
Jаҥжыкканы аайынча республикада ӱлӱрген айдыҥ 1-кы кӱнинеҥ ала 31-чи кӱнине јетире јаан јашту улустыҥ айлыгы ӧдӧт. АР-дыҥ иш, јонјӱрӱмдик ӧзӱм ле эл-јонды ишле јеткилдеер министерствозыныҥ јетиргениле, талада јажы јаан 36,5 муҥ кижи јуртайт. Онызы текши јонныҥ 16 проценти, олордыҥ эки муҥнаҥ ажыразы јаҥыскан јаткан улус. Олорго јӧмӧлтӧ-болуш керек.
Jылдыҥ ла јажы јаан улуска учурлалган кӧп тоолу керек-јарактарды ведомстволордыҥ ла муниципал тӧзӧлмӧлӧр ӧмӧ-јӧмӧ белетеп ӧткӱрет. Кажы ла тӧзӧлмӧдӧ ойын-концерттер, туштажулар, јаан јашту улустыҥ байрамына учурлалган чайлаш, онойдо ок устардыҥ белетеген эдимдериниҥ кӧрӱлери, республиканыҥ јаан јашту улузыныҥ эҥ артык биригӱлерине учурлалган кӧрӱ-маргаандар ла оноҥ до ӧскӧ кӧдӱриҥилер ӧдӧри темдектелет. Jаш ӱйеге јозок болуп, олорды ыжыктап, билерин-билгирин айдып јӱрген јаандарыстыҥ айлыгы учурлу, аҥылу ӧй.

К. Пиянтинова

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина