Ачык эжиктердиҥ кӱни

23.10.2017

Каландар јууйтан инспекция «Ачык эжиктердиҥ кӱнин» быјыл ӱлӱрген айдыҥ 20-21-чи кӱндеринде ӧткӱрген деп, Россияныҥ каландарды јууйтан федерал службазыныҥ республикан бӧлӱгиниҥ пресс-службазы јетирет.

Улуска эптӱ болзын деп, каландар јууйтан службалардыҥ эжиктери пятница кӱнде 9.00 сааттаҥ ала 20.00 саатка јетире, субботто 10.00 сааттаҥ 15.00 саатка јетире ачык болгон.
Кыймыктадар ла кыймыктатпас јӧӧжӧни садар тушта каландардыҥ 3-НДФЛ бӱдӱмдӱ декларациязын канайда тургузары эмезе ӧскӧ дӧ кирелтелер керегинде документтер табыштырары аайынча јартамалдарды республиканыҥ каландар тудатан бастыра органдары јартаган.
Физический лицолор јӧӧжӧзиниҥ 2016 јылдагы каланын 2017 јылдыҥ јаҥар айыныҥ 1-кы кӱнине јетире тӧлӧп салар јаҥду.

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым