Министрдиҥ ордынчызыла туштажу

23.10.2017

Ӱлӱрген айдыҥ 20-чи кӱнинде Алтай Республиканыҥ јурт ээлем аайынча министерствозында Саха (Якутия) Республиканыҥ јурт ээлем ле аш-курсак аайынча министриниҥ ордынчызы Н. Петров јербойыныҥ «Алтайдыҥ Чолмоны» ла «Звезда Алтая» газеттердиҥ журналисттериле тушташты. Ол биске келердеҥ озо Калмык јеринде болгон эмтир.

Николай Ильичтиҥ куучыныла, бу јорыкта ол Алтай Республиканыҥ сегис аймагында болуп, јурт ээлемдеги ишле, малчыларла јолугышкан, олордыҥ ижиле танышкан.
Саха Республикада 35 улус (аймак), 411 муниципал јеезе, 579 јурт бар. Саха Республика Ыраак Кӱнчыгыштагы округта мал ӧскӱрери јанынаҥ баштапкы јерде турат, округтагы мал-аштыҥ 50 проценти Саха Республикада ӧскӱрилет. Jылкы малды ӧскӱрери аайынча Якутия Россияда баштапкы јерде турат, оны ээчиде Алтай Республика.
Пресс-конференция керегинде элбеде келер номердеҥ кычырыгар.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина