Датчиктер каргандардыҥ јӱрӱмин аргадаган

26.10.2017

Бу јуукта Алтай Республикада јаан јаштулардыҥ, кӧп балдарлу ла арга-чыдалы ас билелердиҥ айылдарында ӧрт чыкканы керегинде ылтам јетирӱ эдетен приборлор тургузылган эди.

Мындый иш Алтай Республиканыҥ Башчызы, Башкарузыныҥ Председатели А. Бердниковтыҥ јакылтазыла ӧткӱрилген деп, МЧС-тыҥ республикан башкартузыныҥ пресс-службазы јетирет.
Керде-марда ӧрт чыкса, айылда тургузылган GSM модуль чочыдулу јетирӱни озо ло баштап муниципалитеттиҥ дежурно-диспетчерский бирлик службазына, јурттыҥ старосталарына, анайда ок улус јаткан тураныҥ ээзине ле тӧрӧӧн-туугандарына аткарар.
МЧС-тыҥ республикан башкартузыныҥ јетиргениле, мындый приборлор бу ла айда эки кижиниҥ јӱрӱмин аргадаган. Темдектезе, ӱлӱрген айдыҥ 8-чи кӱнинде ле 11-чи кӱнинде Турачак јурттагы тураларда тургузылган датчик «01» телефонго чочыдулу јетирӱ аткарган. Оныҥ шылтузында ӧрт ӧчӱреечилер эки карганактыҥ јӱрӱмин ле јӧӧжӧзин аргадап алды.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина