Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Најылыктыҥ байрамыныҥ чогы јӱректерде артар

26.10.2017

Jашӧскӱримниҥ ле студенттердиҥ бистиҥ ороондо Сочи калада ӧткӧн XIX Телекейлик фестивалиниҥ јабылтазы Олимпийский паркта кӧдӱриҥилӱ айалгада ӧтти. Jабылтаныҥ окылу бӧлӱги «Jаан» деген тош ӧргӧӧдӧ ӧткӱрилген. Бу кӧдӱриҥилӱ керекте туружарга кӱӱнзеген улус очередьде канча сааттардыҥ туркунына озолондыра турган. Ӧргӧӧниҥ холлында айылчыларга ланч-боксторды акча тӧлӧтпӧзинеҥ берген, залдагы отургыштарда кӧрӧӧчилерге интерактивный браслеттер салылган болгон.

«Медалс плазта» Россияга учурлалган шоу ӧдӧрдӧ, бистиҥ ороонныҥ калаларыныҥ јараш ла јарлу јерлери, кереестери, Россия Федерацияныҥ јеринде јадып турган албатылардыҥ культураларыныҥ аҥылулары јаркынду кӧргӱзилген. Jаан ойын-концертте бистиҥ ороонныҥ јарлу артисттери ле ансамбльдары турушкан.
Фестивальдыҥ айылчыларын ла туружаачыларын Россия Федерацияныҥ Президенти Владимир Путин уткыган, ол јабылта ӧйиндеги бойыныҥ уткуулду сӧзинде мынайда айткан:« Фестивальдыҥ керек-јарактарында эрчимдӱ турушкан бастыра улусты уткып турум. Мында кайкамчылу, ийдезиле аҥылу энергетика болгонын билерим. Бӱгӱн де мында андый ок айалга. Айылчылар Россиядаҥ барып јада, мында јӱрегердиҥ јылузыныҥ кезигин артызып салараарга иженедим. Россия дезе слердиҥ јӱрегерде ӱргӱлјикке артар. Бис слерге бӱдедис».
Тош ӧргӧӧдӧ ӧткӧн јабылта сӱрекей јараш болгонын темдектеер керек. Ол фестивальдыҥ кӧдӱриҥилӱ ачылтазыныҥ оноҥ арыгызы болгон. Оныҥ тӧс кычырузы «Телекейди кубултып салалы» деп адалган. Оныҥ тӧс геройлоры—Бразилияныҥ, Россияныҥ, Чадтыҥ делегаттары—бойыныҥ бӱгӱнги тӱӱкизин, кижилик бириксе, кӧпти эдер аргалузын кӧргӱскен. Чад ороонныҥ чыгартулу кижизи Ндолегулюм Джасрабе Эрве фестивальга учурлай бойы чӱмдеген гимнди кожоҥдогон. «Бистиҥ ороондо бӱгӱнги ӧйдиҥ технологияларыла колбулу курч сурактар туруп јат, олор бистиҥ ороондо јадын-јӱрӱмге келишпейт. Оныҥ да учун јиит улус бойын айландыра телекейле колбу јок болгон деп сезет, олор кемге де керек јок немедий. Оныҥ учун мен бу кожоҥды чӱмдегем—бастыра јер-телекейдиҥ албаты-јоны биске ајару этсин, јӧмӧзин»—деген.
Волонтерлордо до бойыныҥ гимн-кожоҥы болгон. «Сениҥ јӱрӱмиҥ» деген композицияны фестивальдыҥ керек-јарактарында бойыныҥ кӱӱниле турушкандарга учурлаган. Сочидеги фестивальда 67 ороонноҥ 5 муҥ волонтер турушкан. Бу командага баштапкы ла катап ООН-ныҥ чыгартулу улузы киргенин темдектеер керек. «Бистиҥ команда волонтерлор ортодо эҥ ле јаан болгон»—деп, фестивальды белетеери ле ӧткӱрери аайынча дирекцияныҥ башкараачызы Ксения Разуваева айткан. Байрамныҥ туружаачылары бастыра ойын-концерттерде эрчимдӱ турушканы темдектелет, олор светодиодный браслеттердиҥ болужыла светоэффекттер эткен ле сценада бијелеп тургандарды јӧмӧгӧн.
Ӱлӱрген айдыҥ 14-22 кӱндеринде ӧткӧн бу фестивальда 188 ороонноҥ 30 муҥ кире кижи турушкан.

(Интернеттиҥ јетирӱлеринеҥ)

ТОП

Положение о конкурсе стихов собственного сочинения, посвященном 20-летию молодежного приложения «Јылдыстык» газеты «Алтайдыҥ Чолмоны», «Јайым толкулар» («Вольные волны»)

УТВЕРЖДАЮ Приказом главного редактора АУ РА «Редакция газеты «Алтайдын Чолмоны» от 12.01.2023 №6 __________ Триянова С.В.    Положение о конкурсе стихов собственного сочинения, посвященном 20-летию молодежного приложения «Јылдыстык» газеты «Алтайдыҥ Чолмоны», «Јайым толкулар» («Вольные волны») Общие положения Положение определяет условия, основы организации и порядок проведения конкурса, посвященного 20-летию приложения «Јылдыстык» республиканской массовой газеты «Алтайдыҥ Чолмоны».

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина