Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Ол јылдар ӱргӱлјикке ундылбас

31.10.2017

Кажы ла јыл, ӱлӱрген айдыҥ 30-чы кӱнинде, орооныста Политический репрессиялардаҥ корогон улустыҥ эземиниҥ кӱни темдектелет.

Быјыл бу кӱнде 12.00 саатта республикабыстыҥ тӧс калазыныҥ Гардинка микрорайонында политический айду-истежӱлердеҥ улам корогондорго учурлай тургузылган кереестиҥ јанында митинг ӧткӧн. Jаҥныҥ, јондыктыҥ чыгартулу улузы, студенттер ле кадеттер, анайда ок репрессияга алдырткандардыҥ бала-баркалары орооныстыҥ бу уур-кӱч јылдарында божогон улусты эзеткендер.
Митингти Алтай Республиканыҥ Башкарузыныҥ Председателиниҥ ордынчызы Михаил Маргачев ачкан. Ол 1937 јылдаҥ ала 1953 јылга јетире тергеебисте 7,5 муҥ кижи айдуга барганын, 2 муҥ кижи аттыртканын темдектеген. «Большой террордыҥ» јылдарында оныҥ салтарларына орооныста 6,5 миллион кижи алдырткан.
«Бӱгӱн—амыр-энчӱ јӱрӱм. Алтай Республикада кӧп јонјӱрӱмдик объекттер, јолдор тудулат. Биске тӱӱкибисти јакшы билер ле ол јылдарда болгон керектерди база болдыртпас керек»—деп, ол айткан.
Митингте анайда ок Алтай Республиканыҥ Эл Курултайыныҥ акча-манат, каландар ла экономический политика аайынча комитединиҥ председатели Сергей Ефимов, Горно-Алтайск каланыҥ мэри Юрий Нечаев, Алтай Республиканыҥ Кӱндӱлӱ гражданини Фридрих Таушканов ло «Туулу Алтайда политикалык репрессиялар (1922-1953 јылдар)» деп эки бичикти белетеген улустыҥ бирӱзи, Алтаистиканыҥ С. С. Суразаковтыҥ адыла адалган билим-шиҥжӱ институдыныҥ билим ишчизи, тӱӱки билимдердиҥ кандидады Максим Каташев сӧс айткандар.
Политический айду-истежӱлердеҥ корогондордыҥ кереези Горно-Алтайсктыҥ бу микрорайонында тегиндӱ тургузылбаган. Не дезе, бир канча јылдар кайра эмди кереес турган јерде тудум иштер ӧдӱп турарда, анда репрессияныҥ јылдарында аттырткан улустыҥ сӧӧги табылган. Эмди кажы ла јыл ӱлӱрген айдыҥ 30-чы кӱнинде мында митинг ӧдӧт лӧ керееске чечектер салылат.
Келер ӧйлӧрдӧ ӧзӱм алынарга, ӧткӧн ӧйлӧрди јакшы билер керек эмей.

К. ЯШЕВ

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым