Балдарга – мызылдууш кийимдер

02.11.2017

Алтай Республиканыҥ ӱредӱчилери ле Госавтоинспекцияныҥ ишчилери јаба аҥылу акция ӧткӱрдилер. Оныҥ ады—«Jолдордо кӧрӱнип тур».

Бу керекте текши ӱредӱлӱ учреждениелердиҥ баштамы класстарыныҥ 900-теҥ кӧп ӱренчиктери турушкан.
Ӱренчиктерле озо ло баштап јолдордо јӱретен ээжилерди бӱдӱрери керегинде јартамалду эрмек-куучын ӧткӱрилген. Кийим-тудумда караҥуйда јаркындалгадый элементтер јапшырганы эмезе кӧктӧгӧни јолдордо јеткер болбозына јаан камаанын јетирет. Мындый кийимдӱ кижи јолды кечип јатса, ол тискинчиге 150-300 метрдеҥ кӧрӱне берер.
Мындый туштажулардыҥ бирӱзи Горно-Алтайскта Г. К. Жуковтыҥ адыла адалган школ-интернатта ӧтти. ГИБДД-ныҥ инспекторы Елена Трандышева педагогторло, балдарла кожо јолдорло јӱрӱжериниҥ ээжилери аайынча ӱредӱ ле јаан эмес ойын ӧткӱрген.
Ойында турушкан балдарга ыраактаҥ јаркындалып турар элементтер сыйлалган.

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым