Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Валерий Сороноковто—кӱлер медаль

17.11.2017

Телекейдиҥ самбо кӱрешле бу кӱндерде Сочи калада ӧткӧн чемпионадында Россияныҥ јуунты командазы учун Алтай Республиканыҥ ады-јолдоры јарлу спортчылары Валерий Сороноков ло Родион Асканаков турушкан. Спортивный самбодо кӱрешкен Валерий Сороноков чемпионаттыҥ кӱлер медалин ойноп алган.

Маргаандарда 90 ороонноҥ 500-теҥ кӧп самбисттер турушкан деп, Алтай Республиканыҥ физический культура ла спорт аайынча комитеди јетирет.
Сочиде ӧткӧн чемпионаттыҥ уч-турулталары керегинде айдып тура, самболо Албатылар ортодо федерацияныҥ (FIAS) президенти Василий Шестаковтыҥ темдектегениле, турнирдиҥ медальдарын 27 ороонныҥ самбисттери ойноп алган. Текшикомандалык окылу эмес зачетто Россияныҥ јуунты командазы јеҥӱчил болуп чыккан. Спортивный самбодо бистиҥ ороонныҥ командазы алты алтын, бир мӧҥӱн ле эки кӱлер медальдар ойноп алган. Jуучыл самбодо—алты алтын, бир мӧҥӱн, ӱй улус ортодо—алты алтын, бир мӧҥӱн ле эки кӱлер медальдар.
В. Сороноков самболо Россияныҥ беш катап чемпионы, Россияныҥ чемпионадыныҥ тӧрт катап призеры. 2008 јылда Санкт-Петербургта ол телекейдиҥ чемпионадыныҥ мӧҥӱн медалин, оныҥ кийнинде ӱч катап (2011, 2015 ле 2017 јылдарда) кӱлер медальдар ойноп алган. 2016 јылда Европаныҥ чемпионады Казаньда ӧдӱп турарда, кӧбӧк сӧӧктӱ Валерий 52 килограммга јетире бескеде алтын медаль ойноп алган болгон.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина