Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Арбынду продукция садылды

20.11.2017

Горно-Алтайскта В. Ленинниҥ адыла адалган тепсеҥде кӱчӱрген айдыҥ 18-чи кӱнинде јарымка ӧтти. Оныҥ амадузы—Алтай Республиканыҥ товарлар эдеечилерин јӧмӧӧри, јурт ээлемниҥ продукциязын садарына јарамыкту айалга тӧзӧӧри ле аш-курсактыҥ баалары аайлу-башту болорын јеткилдеери.

Ондый јетирӱни АР-дыҥ экономикалык ӧзӱм ле туризм аайынча министерствозыныҥ пресс-службазы этти. Jарымкада текши тооло 100-теҥ кӧп предприятие, ол тоодо јурт ээлемниҥ, сувенирлер эдер ле аш-курсак белетеечи предприятиелер, Алтай крайдыҥ, Новосибирский ле Кемеровский областьтардыҥ кӧп предприятиелери туруштылар. Бу јарымкада эт ле эттеҥ эдилген аш-курсак, јарымдай фабрикаттар, балык, сыр, сарју, мӧт, маала ажы, аламалар ла ӧскӧ дӧ товарлар садылды.
Албатыныҥ курсак-тамагы: талкан, казы-карта, јӧргӧм, анайда ок сӱттеҥ эдилген продукция (каймак, творог, сыр) јаан суруда болды. Алтай Республиканыҥ јурт ээлем аайынча министерствозыныҥ јетиргениле, сӱттеҥ аш-курсак эдип-чыгарары јанынаҥ таҥынаҥ аргачы Мерген Сойтошев (Шабалин аймак), «Златогорье» ле «МясоТорг» компаниялар аҥыланды.
Койдыҥ тӱгинеҥ ле ноокыдаҥ эткен эдим-тудумдарды «Кайрал» ла СПоК «Золотое руно» (Оҥдой аймак) ООО-лор саттылар.
Jарымкада арбынду продукциязы садылды, ол тоодо, уйдыҥ, койдыҥ, јылкыны, аҥныҥ, эчкиниҥ эди.
Ӧрӧ адалган министерствоныҥ јетиргениле, товарлардыҥ чыҥдыйын Роспотребшиҥжӱниҥ, ветеринария аайынча комитеттиҥ ле госветинспекцияныҥ ишчилери шиҥжӱзинде туткандар.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина