Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Эҥ артыгын талдаарга—газетке бичидер

21.11.2017


Warning: getimagesize(): Filename cannot be empty in /var/www/u0011223/data/www/altaicholmon.ru/wp-content/themes/altaicholmon/single/single-cat-10.php on line 16

Атту-чуулу јурукчы Г. И. Чорос-Гуркинниҥ адыла адалган јондык сыйдыҥ 2017 јылдагы лауреадын талдаарга ӧй ас артты. Jаҥжыккан ээжи-некелте аайынча лауреаттыҥ ады-јолын «Алтайдыҥ Чолмоны» газеттиҥ кычыраачылары адаар.

«Алтайдыҥ Чолмоны» газеттиҥ кӱчӱрген айдыҥ 17-чи кӱнинде чыккан 120 номеринде учурлу сыйдыҥ лауреадына башка-башка организациялардыҥ, биригӱлердиҥ, ӧмӧликтердиҥ кӧстӧгӧн 6 кандидаттыҥ ады-јолдоры адалды, иштеп јаткан ижи-тожы керегинде јетирӱ јарлалды. Олордыҥ ады-јолдорын база катап адап ийели: Аржан Кухаев, Игорь Катонов, Алена Санаа, Кӱзелеш Яданова, Андрей Ялбаков, Эркемен Ядагаев.
Былтыр, 2016 јылда, «Алтайдыҥ Чолмоны» ажыра ӧткӧн эҥ кӧп ӱнберишле лауреат болуп Радмила ла Эмил Теркишевтер чыккан. Спорттыҥ улузы Ай-Мерген Аткуновты адап, ӱнин берген. Онойып, бис бирлик јӧплӧ Jондык сыйдыҥ 2 лауреадын адаганыс. Кандидаттарды јайаан ӧмӧликтер, јондык огрганизациялар, биригӱлер, Jондык сыйдыҥ учредительдери адаар аргалу деп, Оностогы кӱреениҥ јааны Аржан Иташев оныла ӧткӧн «Jондык сыйга—талдама јерлештеристи» (19.10.2017 јыл. ¹104) деп эрмек-куучында јартамал эткен эди.
Былтыргы ӧткӧн ӱнбериштиҥ ээжилерин кычыраачылар јакшы билер. Ӱнбериш јӱк ле јарлалган купон (оригинал) аайынча ӧдӧр. Купон јаҥар айдыҥ (2017 јыл) учына јетире газеттиҥ редакциязында алынар. Кажы бир кандидаттыҥ учун эл-јонныҥ адынаҥ, олордыҥ колын (подпись) салган баштанулар, кычырулар ајаруга алылбас, ондый ишти тегин калас ӧткӱрбес. Ӱнбериште јӱк ле «Алтайдыҥ Чолмоны» газетти бичидип, алып турган кычыраачылар туружар аргалу.
Айдарда, кӱндӱлӱ эл-јон, кайыш курлу, кара башту албаты, кем де кандый бир шылтактаҥ улам «Алтайдыҥ Чолмоны» газетке бичитпей, соҥдоп калган болзо, тургуза ла бу кӱндерде тӱрген ле газетке кыйалтазы јогынаҥ бичидер керек. Оноҥ ӧскӧ ӱнберишке керектӱ купонды кайдаҥ алатан. Кайдаҥ да алар арга јок. Нениҥ учун дезе мында, газеттиҥ кажы ла номерин алар, кычырар, кӧрӧр керек. Керектӱ купонды божотпоско чырмайгар.
«Алтайдыҥ Чолмоны» газетке («Родник» деп коштончы газетле кожо) почта ажыра бичитсе, баалар мындый:
6 айга—803 салковой 76 акча;
3 айга—401 салковой 74 акча;
Jеҥилтелӱ улуска—691 салковой 02 акча.
1 айга—133 салковой 96 акча.
Горно-Алтайск калада јадып турган улус «Алтайды Чолмонын» редакциядаҥ бойлоры келип алза, баазы мындый болор:
6 айга—240 салковой;
Корпоративный бичидиш—350 салковой;
1 айга—40 салковой.
Слер 2017 јылдыҥ јаҥар айына бичиткен айас, јол келижерде, бир ле аай 2018 јылдыҥ јарымјылдыгына бичидип алзар, база эптӱ болор эди. Нениҥ учун дезе «Алтайдыҥ Чолмоны» газеттиҥ јаҥыјылдык номеринде 2018 јылга ӧҥдӱ кӱнтизӱ болорын ундыбагар.
Г. И. Чорос-Гуркинниҥ адыла адалган јондык сыйдыҥ лауреадына кандидаттардыҥ ады-јолы ээжиле ӱнбериш јӱк ле јарлалып јаткан купонло ӧдӧр деп, чокымдап айдадыс.
Кӱндӱлӱ кычыраачылар, газетке бичидерге меҥдегер, айса болзо, ӱнбериште слердиҥ ле ӱнигер јетпей калардаҥ маат јок.

К. ПИЯНТИНОВА

ТОП

Јаркынду јол кӱӱнзеген јуун

Кӱчӱрген айдыҥ 17-чи кӱнинде Эл Курултайдыҥ јетинчи тудузыныҥ ээчий XXII сессиязы ӧткӧн. Спикер Артур Кохоев башкарган јуунда 41 депутаттаҥ 38 депутат турушкан. Сессияныҥ ижинде Алтай Республиканыҥ башчызы Олег Хорохордин, онойдо ок эл-тергеелик јаҥныҥ бӱдӱреечи органдарыныҥ, республикада федерал бӱдӱреечи орган-дардыҥ башкартуларыныҥ башкараачылары, муниципал тӧзӧлмӧлӧрдиҥ јаандары ла депутаттар советтериниҥ председательдери, элбек јетирӱлер эдер эп-аргалардыҥ чыгартулу улузы турушкан.

Тергеебисте јолдор јазалат

Кӱчӱрген айдыҥ 16-чы кӱнинде «Чуйдыҥ јолы – Алтын-Кӧлгӧ јетире» федерал трассаныҥ автомобильный јолыныҥ баштапкы эки бӧлӱгиниҥ кӧдӱриҥилӱ ачылтазы ӧтти. Бу учурлу керекте Алтай Республиканыҥ башчызы Олег Хорохордин, Эл Курултайдыҥ председатели Артур Кохоев туруштылар. «Бу јолдыҥ бистиҥ бӱгӱн ачып јаткан текши узуны 14 километр эки бӧлӱги Кызыл-Ӧзӧк, Куташ ла Карасук јурттар ӧткӱре ӧдӧт. Мынаҥ озо бу

Конструктивный диалог с представителями Общественной палаты

Глава Республики Алтай Олег Хорохордин во вторник, 16 ноября, провел рабочую встречу с членами Общественной палаты Республики Алтай. Руководитель региона подчеркнул, что конструктивный диалог с представителями Общественной палаты позволяет детально обсудить и решить много социально значимых вопросов. «Сегодня многое зависит от тесного взаимодействия исполнительных и законодательных органов государственной власти, органов местного самоуправления с представителями общественности.