Бистиҥ ӱредӱчилер съездте

22.11.2017

Санкт-Петербургта А. И. Герценниҥ адыла адалган педагогический университетте кӱчӱрген айдыҥ 20-21 кӱндеринде ӱредӱчилердиҥ бастырароссиялык съезди ӧткӧн.

Оныҥ аҥылузы неде дезе, съездте Россияныҥ Тӱндӱкте, Ыраак Кӱнчыгышта, Сибирьде јадып турган ас тоолу албатылардыҥ тилине, литературазына ла культуразына ӱредип турган ӱредӱчилер туружат. Съездтиҥ 350 делегады Россия Федерацияныҥ 25 субъегинеҥ келген.
Бистиҥ республикадаҥ јуунда педагогикалык билимдердиҥ кандидады Надежда Тайборина, ӱредӱчилер Наталья Санина, Зоя Ульчекова, Нелля Кучукова, Айна Самтакова туружат.
Съездтиҥ тӧзӧп-ӧткӱреечилери—Россия Федерацияныҥ ӱредӱ ле билимдик аайынча министерствозы, Саха Республиканыҥ ӱредӱ ле билимдик аайынча министерствозы, Тӱндӱктиҥ, Сибирьдиҥ ле Ыраак Кӱнчыгыштыҥ ӧс албатыларыныҥ ассоциациязы, А. И. Герценниҥ адыла адалган педагогический университет.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина