Ветерандардыҥ совединиҥ јаҥы јааны

05.12.2017

Горно-Алтайскта каланыҥ ветерандарыныҥ организациязыныҥ отчетту ла талдашту конференциязы ӧтти.

Мэрияныҥ пресс-службазыныҥ јетиргениле, отчетту докладты јондык бу организацияныҥ эмдиги јааны Мария Гайдабрус эткен. Оныҥ айтканыла, Горно-Алтайскта бӱгӱн 16 муҥ пенсионер јуртайт. Ветерандардыҥ соведи баштамы 105 организацияны бириктирет. 33 кижи Ада-Тӧрӧли учун Улу јууныҥ туружаачызы, 425 кижи тылда иштеген, 2032 кижи «јууныҥ балдары», арткандары иштиҥ ветерандары ла пенсионерлер. Каланыҥ администрациязы олорго туразына газ ӧткӱрери ле ӧскӧ дӧ сурактар јанынаҥ болуш јетирген.
Jуунныҥ учында тӧзӧмӧл сурак кӧрӱлди—ветерандардыҥ совединиҥ јаанына Алексей Ивашкин тудулган.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина