Спорттыҥ кышкы ӧйиниҥ ачылтазы

12.12.2017

Россияныҥ Президентиниҥ болушчызы, Россияныҥ Олимпий комитединиҥ вице-президенти Игорь Левитин, АР-дыҥ Башчызы Александр Бердников ло Татарстан Республиканыҥ транспортыныҥ ла јолдор тударыныҥ министри Ленар Сафин тергееде спорттыҥ кышкы ӧйин ачтылар.

Кӧдӱриҥилӱ ачылта Горно-Алтайсктыҥ «Спартак» стадионында ӧтти. Игорь Левитин уткуулду сӧзинде ол спорттыҥ кышкы ӧйин ачарына амадап келген, Туулу Алтайга ойто келгенине сӱӱнип јат деп айтты. « Бӱгӱн јараш байрам кӱн. Туулу Алтай спорттыҥ јаҥжыккан бӱдӱми кӱрешле, ӧскӧ дӧ јуучыл бӱдӱмдериле јарланган эмес, је кышкы бӱдӱмдерле база јарлу. Слерде мячту хоккейле јакшы команда бар, слердиҥ спортчылар Хоккейдиҥ тӱндеги лигазында једимдӱ тартыжат. Бу лигада Россияныҥ Президенти Владимир Путин база туружат. Мен слерди спорттыҥ кышкы ӧйиниҥ ачылтазыла уткып, једимдер, су-кадык ла бистиҥ олимпиецтерге спортто келер јеҥӱлер кӱӱнзейдим»—деп, Игорь Левитин айтты. Ол Виталий Уинге «Россияныҥ спортыныҥ нерелӱ узы» деген кӱндӱлӱ ат адалганыныҥ кере бичигин ле тӧшкӧ тагынар темдегин табыштырды.
Александр Бердников республикада спортты ӧскӱреринде кӧп јакщы кубулталар болгонын айтты. Президенттиҥ физкультураны ла спортты ӧскӱрери јанынаҥ программазыныҥ шылтузында спорттыҥ кӧп тоолу объекттери тудулган. Текши республикада ондор тоолу ойноор площадкалар, спорттыҥ залдары ачылат. ²ткӧн јылда—17 спортзал, быјыл 13 спортзал тудулган. Онойдо ок Президент Алтай Республикага «Атлант» деп тош ӧргӧӧни јетире тударына 370 млн. салковойды чыгарар јӧп јараткан.
«500 кижи бадар трибуналарлу, волейбол, баскетбол ойноор залдарлу, јаҥы ӧйдиҥ јепселдериле јеткилделген «Атлант» Туулу Алтайдыҥ эл-јонына јакшынак сый болор. Ол ачылган кийнинде спорттыҥ кӧп бӱдӱмдери, ол тоодо хоккей ӧзӱминиҥ јаҥы кемине чыгары јарт. Качан бирде Президент бистиҥ де ӧргӧӧдӧ тошко чыгып, балдарла кожо хоккей ойноорына амадайдым, ол кыйалтазы јоктоҥ болор деп бӱдедим»—деп, Башчы айтты.
Татарстан Республиканыҥ президенти Рустам Миннихановтыҥ ӧмӧлик колбулар керегинде јӧптӧжӱ аайынча јакылтазыла республикага келген Ленар Сафин республиканыҥ јуунты командазына хоккеисттердиҥ 20 кеп-кийимин ле ӧскӧ дӧ јепселин сыйлады. «Алтай Республиканыҥ нерелӱ тазыктыраачызы» деген кӱндӱлӱ ат министр Ленар Сафинге кӧдӱриҥилӱ айалгада адалды.
АР-дыҥ хоккейле федерациязыныҥ председатели Вячеслав Куриленкого, АР-дыҥ хоккейле федерациязыныҥ башкартузыныҥ турчызы Валерий Кузнецовко, Майма аймакта балдардыҥ хоккейле спортшколыныҥ тазыктыраачы-преподаватели Аржан Кыдрашевке АР-дыҥ Башчызыныҥ Быйанду самаралары табыштырылды. Башчы онойдо ок АР-да балдардыҥ хоккейле јуунты командазыныҥ турчылары Иван Замятинге ле Тимофей Сумачаковко хоккейдиҥ клюшкаларын сыйлады.
Башчы бойыныҥ јарлыгыла 2018 јылды Алтай Республикада Хоккейдиҥ јылы деп јарлады. Ол бӱгӱнги керектер республикада калыктардыҥ сӱӱген мячту хоккейиниҥ келер ӧзӱмине јол ачкан деп, бӱдӱмјизин айтты.

АР-дыҥ Башкарузыныҥ пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина