Улусла таҥынаҥ туштажулар ӧткӱрген

15.12.2017

АР-дыҥ Башчызы, Башкарузыныҥ Председатели Александр Бердников башкӱн улусла таҥынаҥ сурактары аайынча туштажулар ӧткӱрген.

Майма аймактыҥ ӱй кижизи јеткердеҥ улам јылыйткан ар-јӧӧжӧзин орныктырарына болуш јетирзин деген суракла баштанган. Электроэмик кӱйгенинеҥ улам кӧп балдарлу билениҥ туразында ӧрт чыккан. Болуш сурап келген кижиле кожо бу турада оныҥ балдары ла баркылары јаткан болгон. Мындый јаан тӱбекке алдырткан кижиге болуш эдип, Башчы бир катап берилип турган материальный болуш эдери керегинде јӧп чыгарган. Анайда ок Александр Бердников ол кижиге тудум ишке керектӱ кеми 100 кубический метрге јетире агашты акча тӧлӧбӧзинеҥ алар тап-эриктӱ болгоны керегинде айткан.
Маймадагы Алгаир деген микрорайондо јадып турган ӱй кижи јолдыҥ чыҥдыйы коомой болгонына комыдаган. Александр Бердников бу микрорайон «Jурттыҥ јонјӱрӱмдик ӧзӱми» деген федерал адылу программа аайынча 2009 јылдаҥ бери бир эмештеҥ тудулып јатканы керегинде ол кижиге айткан. Тургуза ӧйдӧ ол микрорайонды јарандырары аайынча иштер темдектелген, инфраструктураныҥ ӱлекери тургузылат. Бӱгӱн мында балдардыҥ 200 јерлӱ сады тудулып калган, јуук кӱндерде врачебный практиканыҥ офиси ачылар, пландарда—школды тудары. «Ороонныҥ Президенти Владимир Владимирович Путин быјыл јайгыда ӧткӧн «чике колбу» ӧдӧр тушта россиялык медицинаныҥ тӧс амадуларын темдектеген—медицинаныҥ болужын бастыра граждандар аларын јеткилдеери. Оныҥ да учун су-кадыкты корыырыныҥ учреждениелерин, јонјӱрӱмдик ӧскӧ дӧ объекттерди улус јаткан јерлерге јууктада тудадыс»—деп, Башчы айдып, аймактыҥ јол аайынча службазы јолды јылдыҥ учына јеттирбей, јазап салар деген.
Туштажу ӧдӱп ле турар ӧйдӧ Александр Бердников Майма аймактыҥ јааны Евгений Понпага телефон ажыра Озерное јуртта автотранспорттыҥ токтодузы јок болгоны јанынаҥ куучын-эрмек ӧткӱрген. Jурттыҥ улузы ӧскӧ јурттар јаар келишкен ле транспортло, јӱрер-јӱрбес маршруткала јорыктайт деп, бу јурттыҥ старостазы темдектеген. Jуртта 300 кире кижи јуртайт, јурт јылдаҥ јылга јаанайт. Александр Бердников Майма аймактыҥ башкартузына јуртта улус транпорт сакып, јут-јулакайдаҥ ыжыктанатан токтоду павильон тутсын деп јакылта берген.
Горно-Алтайсктыҥ кижизи олордыҥ билези табарткан тӱбекле колбулу суракла тергеениҥ Башчызына баштанган—беш јашту уулчагында злокачественный опухоль бары јарталган. Тургуза ӧйдӧ ол бала энезиле кожо Москвада эмдениш ӧдӧт. Билениҥ материальный јанынаҥ кӱч айалгазын ајаруга алып, Александр Бердников олорго акчала болуш эдери јанынаҥ јакылта берген.
Кенек балалу билеге аҥылу отургыш-коляска садып алары јанынаҥ акчала болуш эдилген. Республикан гимназияныҥ ӱренчигине Москва јаар барарга, акчала болуш эдери јанынаҥ сурак база аайлаштырылган. 7-чи класстыҥ бу ӱренчиги јиит краевед-туристтердиҥ Текшироссиялык краевед кычырыштарыныҥ финалына ӧткӧн.

АР-дыҥ Башкарузыныҥ пресс-службазы

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым