Jарымка ӱч јерде ӧтти

25.12.2017

Jаҥжыккан јарымка бу учуралда јаҥар айдыҥ 23 кӱнинде каланыҥ 3 микрорайонында ӧткӱрилди—В.Ленинниҥ адыла адалган тепсеҥде, «Алтайторг» ООО-ныҥ саду-базазында (Ленинниҥ оромы, 220) ле «Кӱнбадыш» базардыҥ јеринде (Коммунистический проспект, 117).

Мындый садуны кӧп улус јуртаган микрорайондордо јууктадары јакшы амаду. Jе «Гардинкада» ла «Кӱнбадыш» базарда ӧткӧн садуда улус чек ас болгон деп айдар керек. Эл-јонныҥ кӧп лӧ сабазы темиккени аайынча В.Ленинниҥ тепсеҥине келгендер.
Jарымкалардыҥ тӧс амадузы Алтай Республиканыҥ товарлар эдеечилерин јӧмӧӧр, јурт ээлемниҥ продукциязын садарына јарамыкту айалга тӧзӧӧр лӧ аш-курсактыҥ баалары аайлу-башту болорын јеткилдеери болгон. Продукцияны јабыс баала садар деген амаду калганчы ӧйдӧ ундыларга јетти.
Jе ондый да болзо, јаҥыјылдык јарымкада арбынду ла чыҥдый продукция садылды.
АР-диҥ јурт ээлем аайынча министерствозыныҥ пресс-службазыныҥ јетиргениле, улус эт ле эттеҥ эдилген аш-курсакты, балыкты, сыр, сарју-сырды, анайда ок тередеҥ ле тӱктеҥ эткен јӱзӱн-башка эдимдерди јилбиркеп алгандар.
Алтай албатыныҥ башка-башка бӱдӱмдӱ курсак-тамагы: талкан-сарју, јӧргӧм-карта, аарчы садуда база болды.
Jарымкада аш-курсактыҥ тоозына кирбей турган продукцияны чӧлдиҥ биске одоштой јаткан райондорыныҥ ла калаларыныҥ аргачылары ла предпритиелери элбеде саткан.
Jарымкага келген балдарды Соок-Таадак ла Карычак Jаҥы јылла уткыыды.
Jӧптӧжӱге кол салынды

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина