Билениҥ сквери ачылган

26.12.2017

Jаҥар айдыҥ 24-чи кӱнинде Горно-Алтайскта «Мебельный» дейтен микрорайондо Билениҥ сквери кӧдӱриҥилӱ айалгада ачылды. Ол кӱн мында ла Jаҥы јылга учурлай «Соок Таадактыҥ сыйы» деген соот ойынду фестиваль ӧткӧн.

Кӧдӱриҥилӱ бу керек-јарактарды «Амыраарга чык!» деп адалган бастырароссиялык кыймыгу-акцияла кӧнӱ колбулу деп айдар керек. Кожоҥ-бијелӱ ле соот ойындарлу мындый туштажулар ороонныҥ калаларында бир ле уунда мынаҥ да ары ӧдӧри темдектелет. Кыймыгу дезе «Калада јаткандарга јакшынак айалгалар тӧзӧӧр» деген ӱлекер-проектле чике колбулу. Ол Россияныҥ Президенти Владимир Путинниҥ баштаҥкайыла ӧдӧт.
Алтай Республиканыҥ тӧс калазында јаткан эл-јонды ла байрамга келген кӧп тоолу айылчыларды Билениҥ сквериниҥ ачылтазыла Горно-Алтайсктыҥ администрациязыныҥ јааны Ю. В. Нечаев ле оныҥ баштапкы ордынчызы О. А. Сафронова јылу уткыдылар. Олор јуулган улуска келип јаткан Jаҥы јылда ырыс-кежик, амыр-энчӱ ле једимдӱ иш кӱӱнзедилер. Каланыҥ башкараачыларыныҥ айтканыла, јаҥар айдыҥ 29-чы кӱнинде «Мелиорация» дейтен микрорайондо ло Коммунистический проспекте турган 22-чи таҥмалу тураныҥ јаҥырта тудулган площадказында «Чибичекке айылдап» деген фестиваль база ӧдӧр. Бир сӧслӧ атса, «Калада јаткандарга јакшынак айалгалар тӧзӧӧр» деген ӱлекер-проектле колбулу кӧдӱриҥилӱ керек-јарактар Горно-Алтайскта туку јаска јетире ӧдӧр.
«Мебельный» дейтен микрорайондо ачылган Билениҥ сквериниҥ чике ле ортозында дезе биледеги амыр-энчӱ айалганы, сӱӱшти, чындыкты ла узак јаш јажаарыныҥ темдегин керелеген бек ле бырчыт дуб агаш отургызылган.

П. Кабар

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина