Чибилерди кезери астаган

10.01.2018

2017 јылда кӱчӱрген айдыҥ 27-чи кӱнинеҥ ала ала јаҥар айдыҥ 31-чи кӱнине јетире Алтай Республикада «Чиби» деген операция ӧткӱрилген.

Оныҥ амадузы јаҥы јылдыҥ алдында чибичектерди јасактарды бузуп кескен учуралдарды илезине чыгарары болгон деп, Алтай Республиканыҥ ар-бӱткенниҥ байлыктары ла јӧӧжӧлик колбулар аайынча министерствозыныҥ пресс-службазы јетирет.
Рейд ӧйинде чибилерди ле ийне бӱрлӱ ӧскӧ дӧ агаштарды уурдап кескен эки учурал илезине чыгарылган, каршучылдар 73 агашты кезеле, јажытту апарарга умзангандар.
Анайып, Россия Федерацияныҥ агаш-фондына эдилген чыгымныҥ кеми, специалисттердиҥ чоттогоныла, 35 муҥ салковойдоҥ ашкан. Бу учуралдарла колбулу керектер шылу ӧткӱреечи органдарга аткарылган.
2016 јылдыҥ бу ӧйиле тӱҥейлештирзе, чибилерди уурдап кезетен учуралдар эки катап кире астаган.

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым