Ӧртти болдырбазыныҥ ээжилеринде кубулталар

15.01.2018

Россия Федерацияныҥ Башкарузыныҥ Председатели Д.Медведев ӧрт болбозын јеткилдеери јанынаҥ Ээжилерде кубулталар эдери керегинде јӧпкӧ (30.12. 2017 ј. 1717 номер) кол салды.

Ондо јурттардыҥ ла калалардыҥ јанындагы садовый участоктордыҥ, огородтордыҥ, дачалардыҥ ээлери јерин сӱрее-чӧптӧҥ арутаар тушта кыйалтазы јогынаҥ бӱдӱретен некелтелер керегинде айдылат.
Мындый иштерди ӧткӱрер тушта эмди от саларга кургак ӧлӧҥди ӧртӧӧргӧ, анайда ок темир јолдордыҥ, автојолдордыҥ, путепроводтордыҥ јанында тӱрген кӱйе бергедий култураларды отургызарга чек јарабас. ²рӧ тоололгон јерлердиҥ ле јалаҥдардыҥ ээлери јерлерин ӧлӧҥ-баргаага бастырбай, оныҥ ӧлӧҥин ӧйлӱ-ӧйинде чабар ла јуунадып салар јаҥду, јӧптӧ ӧскӧ дӧ некелтелер керегинде айдылат.
Олорды кыйалта јогынаҥ бӱдӱргени улус јаткан јерлерде ӧрт чыккадый шылтактарды астадар арга берер.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина