«Гармония» гимназияныҥ ачылтазы

23.01.2018

АР-дыҥ Башчызы Александр Бердников Горно-Алтайсктагы 9-чы таҥмалу гимназияныҥ туразындагы јазашту иштердиҥ кийнинде ӧткӧн кӧдӱриҥилӱ ачылтада турушкан.

«2,5 айдыҥ ла туркунына бу гимназияныҥ туразын јазап салдыс, бӱгӱн ол эмдиги ӧйдиҥ некелтелерине келижип јат. Бу јап-јакшынак ӱредӱлӱ заведение, мында јакшы јаҥжыгулар туулат» — деп, тергеениҥ Башчызы айткан.
Гимназия алдында ӧйлӧрдӧ болгон «Турист» деген кончылыктыҥ ӱредӱлӱ заведениениҥ ижине, ээжи-некелтелерине келиштирте 2000 јылда јазалган туразында иштеп баштаган. Мында канча јылдардыҥ туркунына ӧткӱрген будушту ла черетештӱ иштер калас керек болгон. Оныҥ да учун гимназияныҥ туразын текшилей јаҥырта јазаары аайынча ӱлекер-сметный документтер белетелген. Александр Бердников бу ӱлекерди јӧмӧӧри јанынаҥ федерал тӧс јерге баштанарда, РФ-тыҥ Президенти бойыныҥ резервный фондынаҥ бу ишке 22,1 миллион салковой акча чыгарган. Анайда ок ресбюджеттеҥ ол јазашту иштерге 5 миллион салковой, муниципал бюджеттеҥ 4,3 миллион салковой акча чыгарылган болгон. Капремонт ӧйинде тураныҥ тыш јаны јазалган, кӧзнӧктӧри, эжиктери, полы, сантехникалык јазалдары, сууӧткӱжи, канализациязы, јарыткыштары солылган ла јаҥы јазалдар, мебель алылган.
Jазашту иштер ӧдӱп турар ӧйдӧ класстардыҥ балдары каланыҥ ӧскӧ ӱредӱлӱ заведениелеринде ӱренген.
«Ӧмӧлижип, бис балдарга, ада-энелерге, ӱредӱчилерге јакшынак сый эттис. Эмди мында бастыразы бар — класстарда интерактивный досколор, копировальный техника, компьютерлер, јаҥы мебель» — деп, Башчы айтты.
Оныҥ темдектегениле, калганчы јылдарда аймактардагы школдордыҥ материально-техникалык тӧзӧлгӧзин тыҥыдарына јаан ајару эдилген болгон. Эмди каланыҥ школдорына ајару эдер ӧй келген. «20 јылдыҥ туркунына калада бир де школ тудулбаган. Jе бис айалганы текшилей кубултар деп јӧпкӧ келгенис – ресгимназияныҥ эски туразы јазаларда, ого 7-чи таҥмалу школдыҥ баштамы класстары кӧчкӧн. Быјыл Кайас микрорайондо школ учына јетире тудулар, 7-чи таҥмалу школдыҥ 1200 јерлӱ туразын тудары јуук ӧйдӧ башталар ла ӧскӧ дӧ иштер ӧдӧр. Россияныҥ Президенти тургускан иш-амаду — школдорды бир сменала ӱренерине кӧчӱрер, бис бу ишти једимдӱ бӱдӱрерге амадаарыс» -деп, Башчы темдектеди.
Озочылдарды кайралдаары кӧдӱриҥилӱ айалгада ӧткӧн. «Гармония» деген 9-чы таҥмалу гимназияныҥ ишчилери Василий Колесников ло Антонина Левашова, «Сибкапстрой» ООО-ныҥ штукатур-маляры Елена Морозовская АР-дыҥ Башчызыныҥ, Башкарузыныҥ Председателиниҥ Быйанду самаразыла кайралдаткан. Ӱредӱдеги једимдери ле школдыҥ јӱрӱминде эрчимдӱ туружып турганы учун ӱренчиктер Юлия Джафарова ла Галина Твердохлебова планшеттерле кайралдатты. Анайда ок тергеениҥ Башчызы гимназияга 50 муҥ салковойдыҥ сертификадын ла АР-дыҥ јаҥы Кызыл бичигин табыштырган.

АР-дыҥ Башкарузыныҥ пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина