Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Президенттиҥ јакылталары бӱдет

23.01.2018

Алтай Республиканыҥ Башчызы, Башкарузыныҥ Председатели А. Бердников Майма јуртта тудулып турган аймактыҥ эмчилигинде ле Горно-Алтайскта тӱрген болуш јетирер службаныҥ туразында болуп, ӧдӱп турган јазашту иштерди шиҥдеп кӧргӧн.

«Тоолу јылдар мынаҥ кайра бис Маймада аймактыҥ тӧс эмчилигиниҥ баштапкы корпусын тудуп, тузаланарына табыштырганыс. Jе акча-манат јок болгонынаҥ улам мындагы иштер токтоп калган. Бу сурак ајару јок артпаган деп айдар керек. Акчаны табып, кезигин ӧскӧ бӧлӱктердеҥ кӧчӱрип, эмчиликтиҥ экинчи корпусын тудар јӧп јарадылган.
Тургуза ӧйдӧ мында тудум иштер кидим ӧдӧт. 2018 јылдыҥ ӱлӱрген айына јетире эмчиликтиҥ бастыра бар јазалдары кондырылар, јабынтызын јайар иштер база тӱгенер. Эмди тураныҥ ичи-тыштын јазаар иштер ӧдӧт. Озолондыра темдектелгени аайынча эмчилик 2019 јылдыҥ кочкор айында бӱткӱлинче ишке табыштырылар учурлу» — деп, тергеениҥ јааны темдектеген.
А. Бердников эл-јонныҥ су-кадыгын корыыр бӧлӱктиҥ обьекттерин тудары ла олорды чыныктап јазаары — ол Россияныҥ Президентиниҥ улуска болуш јетирерине, эмчилердиҥ ле оору улустыҥ иштеер ле эмденер айалгаларын јарандырарына ууландырылган јакылталарын јӱрӱмде толо бӱдӱрерин јеткилдеер алтамдар деп темдектеген. Республиканыҥ Башчызы бу туштажуда «Президент эмчилер улуска чыҥдый болушты олордыҥ јаткан јеринеҥ камааны јогынаҥ јаантайын јетирер учурлу» — деп јакып турганын база эске алындырткан.
«Быјылгы јылды Майма аймактыҥ јылы деп айдарга јараар. Аймактыҥ су-кадыкты корыыр бӧлӱгинде болуп турган айалгаларды јакшы јанына бурыырга турус, оны бӱдӱрерге, бисте арга-чыдал јеткилинче бар» — деп, Башчы угускан. Бу сӧстӧрдиҥ чындык болгонын Ыны-Оозы, Подгорный ла Карасук јурттарда ФАП-тардыҥ јаҥы тудулып јаткан туралары керелейт. Алгаирдеги микрорайондо дезе эмчиликтиҥ ӱзеери јаҥы пункты ачылган. Jаҥы амбулатория удабас Кызыл-Ӧзӧк јуртта иштеп баштаар.
Маймадагы эмчиликтиҥ экинчи корпусы 2017 јылдыҥ јаҥар айында тудулып башталган. Мында поликлиника, хирургияныҥ ла гинекологияныҥ бӧлӱктери иштеер. Олордо операциялар ӧткӱрер јаҥы кыптар ачылар. Анайда ок эмдиги ӧйдиҥ јазалдарыла јепселген рентген-кабинет иштеп баштаар. Jаҥы корпусты тударына 196 миллион салковой акча чыгарылган.
Бӱгӱнги кӱнде Маймадагы ЦРБ-да бастыра 353 кижи иштеп јат. Ол тоодо 66 врач ла 170 орто медишчи. Аймактыҥ тӧс эмчилигиниҥ башкартузына анайда ок 12 ФАП ла эки амбулатория кирет.
Башчы ол ло кӱн Горно-Алтайскта тӱрген медболуш јетирер службаныҥ туразында база болгон. Ол былтыр мында иштеп турган эмчилердиҥ иштеер айалгазыла таныжып, ӧрт ӧчӱреечилердиҥ 1936 јылда тудулган депозында ремонт иштер ӧткӱрер јӧп јараткан ла ого акча чыгарган.
«Бӱгӱн турада јазал иштер канайда ӧдӱп турганын кӧрӧргӧ ӧнӧтийин келгем. Эскирген тураны чыныктаар иш мында 2017 јылдыҥ јаҥар айында башталган. Тураныҥ ичинде иштер бӱткен деп айдар керек. Эмчиликте душтыҥ кабинказы тургузылган. Мынаҥ озо мындый јазал мында качан да болбогон» — деп, Башчы темдектеген. (Оору улуска тӱрген болуш јетирген кийнинде, врачтар гаражта кранныҥ соок суузыла јунунатан).
Тургуза ӧйдӧ мында кондиционер иштейт, амырайтан ла ажанатан кыптар јазалган. Jазашту иштер улалып јат, бу айда јаҥы мебель алылар. Республиканыҥ јааны эмчилерле болгон туштажуда мынайда айткан: «Тӱрген болуш јетирер службаныҥ ишчилери аҥылу айалгаларда иштеп јат. Эмчилер улуска болушты тӱни-тӱжи јетирет. Кайда јеткер — олор анда. Амыраар ла иштеер айалгалары дезе уйан. Олорго болуш јетирер деген санаа шак мынаҥ улам келген. Иштеер айалгалары ла јакшы болзо, кижиге ӧскӧ не керек».
Тургуза ӧйдӧ тӱрген медболуш јетирер службаныҥ эки бригадазы Маймада иштейт, база бирӱзи — Манјӱректе. Горно-Алтайскта иштеп турган службаныҥ болужын Майма аймактыҥ ла Горно-Алтайсктыҥ бастыра улузы алат. 90 муҥга шыдар эл-јонго тӱрген болушты 19 врач, 71 фельдшер ле кӧлӱктердиҥ 41 тискинчизи јетирет.

Алтай Республиканыҥ Башкарузыныҥ пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина