Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Jыҥылаарын сӱӱчилерге јакшынак сый

30.01.2018

Майма аймактыҥ јериндеги «Манјӱрек» деген туу-чанаа комплекстиҥ орто станциязыныҥ узуны 1050 метр, уур-кеми јанынаҥ «чаҥкыр» деп темдектелген ле кресельный подъемниктерле јеткилделген јол-трассазыныҥ ачылтазы ар-бӱткенде амыраарын сӱӱчилерге јакшынак јаҥыјылдыҥ сый болды. Эмди кырдаҥ јыҥылаарын сӱӱчилер ӧскӧ тергеелердеги ГЛК-лардӧӧн барбай, эрте кыштаҥ ла ала мында кӱӱни јеткенче јыҥылап алар арга тӧзӧлгӧн.

Быјыл кар ас болгонынаҥ улам јол-трассаны тузаланышка јаҥыјылдык байрамдар ӧйинде табыштырарга искусственный оснежениениҥ системазы тузаланылган. Мынаҥ озо ӧйдӧ мында јӱк ле ӱредӱ-тазыктыруныҥ јол-трассазы ла беби-лифт иштеген болгон.
«Манјӱрек» ГЛК-ныҥ текши јол-трассаларыныҥ узуны 3405 метр, олор уур-кӱч јанынаҥ башка-башка кемдӱ; јажыл, чаҥкыр, кызыл. Тургуза ӧйдӧ курорттыҥ айылчылары ӱредӱ-тазыктыруныҥ трассазын, беби-лифтти, сноу-паркты ла узуны 1050 трассаны кӱӱнзегени аайынча тузаланар аргалу.
Туулу Алтайдагы туу-чананыҥ «Манјӱрек» деген спортивно-орныктыраачы комплекси јыл туркунына туризмниҥ ӧзӱминиҥ эҥ јаан площадкаларыныҥ бирӱзи болуп јат. Быјыл «Россия Федерацияда ич ле тууразынаҥ туризмниҥ ӧзӱми» деген федерал программа аайынча бу курортто јыҥылаар јерлерди карла искусственный эп-аргала јеткилдеери јанынаҥ элбек кемдӱ иштер кӧндӱгип калды.
Бу ГЛК-ныҥ ӱлекериле, келер ӧйдӧ мында бир ле уунда 4 муҥ кижи јадарына керектӱ бастыра инфраструктура тӧзӧлӧр. Кышкыда улус кырдаҥ јыҥылаар болзо, јайгыда суула јӱзери, атту јорыктаары, башка-башка экскурсиялар ла ӧскӧ дӧ бӱдӱм јеткилдештер болор.

АР-дыҥ Башкарузыныҥ пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина