Ӱнбереечилер ӱн берер талдаачы участоктор

31.01.2018

Ӱнбереечилер ӱн берери ле ӱндерди тоолооры талдаачы участоктордо ӧткӱрилет.

Россия Федерацияныҥ Президентиниҥ талдаштарына талдаачы участоктор тӧзӧӧри аайынча некелтелер 2002 јылдыҥ кичӱ изӱ айыныҥ 12-чи кӱнинде јарадылган «Россия Федерацияныҥ граждандарыныҥ талдаачы тап-эриктериниҥ ле референдумда туружар тап-эригиниҥ тӧс быжулаштары керегинде» 67-ФЗ таҥмалу Федерал јасактыҥ 19-чы тизимиле, 2003 јылдыҥ чаган айыныҥ 10-чы кӱнинде јарадылган «Россия Федерацияныҥ Президентиниҥ талдаштары керегинде» 19-ФЗ таҥмалу Федерал јасактыҥ 25-чи тизимиле чокымдалган.
Россия Федерацияда талдаачы участоктордыҥ кӧбизи јаантайын тӧзӧлгӧлӧ тӧзӧлгӧн, олор бастыра талдаштарга ла референдумдарга бирлик болот.
Талдаачы участокторды муниципал райондордыҥ, калалардыҥ округтарыныҥ јаандары келиштирте территориальный комиссияларла јӧптӧжип, ӱнбереечилерге јарамыкту айалга болзын деген амадула тӧзӧйт — бир талдаачы участоктыҥ гран-кыйуларына келижип турган јерде јадып турган ла регистрация ӧткӧн ӱнбереечилердиҥ тоозы ӱч муҥнаҥ кӧп болбозын ајаруга алып.
Ӱнбереечилердиҥ кезик бӧлӱктерине (удурумга јаткан јердеги, једерге кӱч эмезе ыраак јерлерде, јурттардаҥ тууразында јердеги черӱчил частьтардыҥ јеринде ӱнбереечилер) ӱн берерине удурум талдаачы участоктор тӧзӧлӧр аргалу. Андый талдаачы участокторды тӧзӧӧри керек болгон болзо, территориальный талдаачы комиссия Россия Федерацияныҥ субъегиниҥ талдаштар тӧзӧп ӧткӱрер комиссиязыла јӧптӧшкӧни ажыра тӧзӧйт.
Россия Федерацияныҥ Президентиниҥ 2018 јылдыҥ тулаан айыныҥ 18-чи кӱнинде талдаштары ӧйинде ӱнбериш ӧткӱрерин јеткилдеерге ле ӱнбереечилердиҥ ӱндерин тоолоорго болуп, Алтай Республиканыҥ јеринде 242 талдаачы участоктор тӧзӧлгӧн, олордоҥ 241-и јаантайын тӧзӧлгӧлӧ тӧзӧлгӧн. 23-чи таҥмалу удурум талдаачы участокты Горно-Алтайск каладагы территориальный талдаачы участок Алтай Республиканыҥ «Республикан эмчилик» деген БУЗ-ында тӧзӧгӧн: бу эмчиликте, чемет оорудаҥ эмдеер диспансерде, «СПИД болдыртпазы ла оныла тартыжары аайынча тӧс јер» деген БУЗ-та јадып эмденип турган улус ӱнбериште турушсын деп.
Россия Федерацияныҥ јеринде јаткан јери аайынча регистрация јок ӱнбереечилер ӱнбериште ӱндерин берзин деп, Алтай Республиканыҥ Талдаштар тӧзӧп ӧткӱрер комиссиязы 2018 јылдыҥ чаган айыныҥ11-чи кӱнинде јӧптӧгӧн 29/138-6 таҥмалу јӧби аайынча 11 талдаачы участок тӧзӧлгӧн (Алтай Республиканыҥ кажы ла муниципал аймагыныҥ тӧс јуртында ла Горно-Алтайск калада).
Россия Федерацияныҥ Президентиниҥ талдаштарын ӧткӱрер тушта иштейтен талдаачы участоктордыҥ тооломы, олордыҥ номерлери ле гран-кыйулары, јурттардыҥ тооломы, анайда ок участковый талдаачы участоктор кайда болгоны, телефондоры керегинде јетирӱлерди муниципал аймактыҥ ла каланыҥ округыныҥ јербойындагы администрацияларыныҥ јаандары ӱнбереечилерге 2018 јылдыҥ чаган айыныҥ 31-чи кӱнинеҥ оройтытпай јарлаар учурлу.
Талдаачы участок керегинде јетирӱни Россияныҥ ЦИК-иниҥ «Интернет» сетьтеги cikrf.ru сайт ажыра «Бойыҥныҥ талдаачы участогыҥды тап», «Бойыҥды ӱнбереечилердиҥ тооломынаҥ тап» деген аҥылу сервистердиҥ эмезе Россия Федерацияныҥ талдаштарды тӧзӧп ӧткӱрер комиссияларыныҥ интерактивный карталарыныҥ (олордо талдаачы участоктордо кажы турада ӱнбериш ӧдӧтӧни темдектелип калган) болужыла алар арга бар. Ол сервистердиҥ сурулары Алтай Республиканыҥ Талдаштар тӧзӧп ӧткӱрер комиссиязыныҥ altai_rep.vybory.izbirkom.ru сайтында база јарлалган.
Россия Федерацияныҥ Президентиниҥ талдаштары ӧйинде Россия Федерацияныҥ ЦИК-иниҥ јетирӱ-справочный тӧс јери 8-800-707-2018 телефон (телефондогоны учун акча тӧлӧбӧс), анайда ок Алтай Республиканыҥ Талдаштар тӧзӧп ӧткӱрер комиссиязыныҥ «кызу линиязы» 8-388-22-222-37 телефон ажыра иштейт.

АР-дыҥ Талдаштар тӧзӧп ӧткӱрер комиссиязы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина