Кечӱлердиҥ тоозы алтыга јетти

05.02.2018

Алтай Республиканыҥ суулары кечире тош кечӱлер ачары улалганча. Ол неделениҥ бажы кирезинде Бий ле Кадын суулардыҥ тожы кечире окылу тӧрт кечӱ иштеген болгон.

Эмди олордыҥ тоозы алтыга јетти. Олордо јеткер болбозын јеткилдейтен бастыра аргалар бар. Бу кечӱлер ажыра агаш, одын, ӧлӧҥ коштогон кӧлӱктер ӧдӧр аргалу. Темдектезе, эки кечӱ Турачак аймакта — Озеро-Куреево ло Каначак јурттардыҥ тужында. Оҥдой аймакта — Кичӱ-Jаламан ла Инеген јурттардыҥ јанында.
Ого ӱзеери эки кечӱ ӧткӧн неделеде ачылды —Турачак аймакта Огни јурттыҥ јанында ла Майма аймакта Бараҥол јурттыҥ тужында.
Бу кечӱлерди туманду ла караҥуй ӧйдӧ ӧдӧргӧ, кандый бир кӧлӱкти акалаарга, тоштыҥ ӱстинде токтоорго ло тошты ойып балыктаарга јарабас деп, МЧС-тыҥ Алтай Республикадагы башкартузыныҥ пресс-службазы јетирет.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина