Бӱгӱн XXIII Олимпийский ойындар башталар

09.02.2018

Тӱштӱк Кореяныҥ Пхенчхан калазында кочкор айдыҥ 9-чы кӱнинеҥ ала 25-чи кӱнине јетире ӧдӧтӧн Олимпийский ойындар спорттыҥ кышкы 7 бӱдӱми аайынча 15 дисциплинала ӧдӧр: конектыҥ 3 дисциплиназы (фигурный јыҥылаш, конекло јӱгӱрер спорт, шорт-трек), чананыҥ 6 дисциплиназы (туучаналык спорт, чананыҥ спорты, фристайл, чананыҥ двоеборьези, трамплиннеҥ калыыры ла сноуборд), спорттыҥ 2 бобслей бӱдӱми (бобслей ле скелетон), спорттыҥ база 4 бӱдӱми — биатлон, керлинг, хоккей ле чанак спорт.

Спорттыҥ бу маргаандарында 92 ороон туружар, ол тоодо 6 ороон баштапкы ла катап туружып јат: Косово Республика, Малайзия, Нигерия, Сингапур, Эквадор, Эритрея.
Азияныҥ ороондорында бу ӱчинчи катап ӧткӱрилип јаткан Олимпиада болуп јат. Мынаҥ озо Японияда эки Олимпиада ӧткӧн болгон — 1972 јылда Саппородо, 1998 јылда Наганодо. Тӱштӱк Корея Олимпиаданы ӧткӱрери аайынча мынаҥ озо тыҥ ла тартышкан, је калганчы эки учуралда Канадага ла Россияга (Сочи) јеҥдирткен.
Бистиҥ ороонныҥ олимпиецтерине Олимпиаданыҥ алдында МОК-тыҥ јанынаҥ јӱзӱн-башка буудактар да эдилген ле кезиктери маргаандарда туружып болбос то болзо, Россияныҥ јуунты командазы Олимпиадада јеҥӱлериле текшикомандалык зачетло јеҥӱчил болуп чыгарына бек иженедис. Бис бирлик — Россия јеҥер! Россияныҥ јуунты командазы учун оорыйлы!

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым