Ајару — јурт јерлерге

16.02.2018

Алтай Республиканыҥ чыгартулу улузы РФ-тыҥ Федерация Совединиҥ председатели Валентина Матвиенколо ӧткӧн туштажуда турушкан.

Jурт јерде јаткан эл-јонныҥ јадын-јӱрӱминиҥ кемин бийиктедери — государствоныҥ јаан учурлу амадузы. Ол керегинде Федерация Совединиҥ председатели Валентина Матвиенконыҥ јонјӱрӱмдик бӧлӱктиҥ ишчилериле ӧткӧн туштажузында айдылган. В. Матвиенко јылдыҥ ла јурт јердиҥ интеллигенциязын јууп, јадын-јӱрӱм, курч сурактар ла једимдер керегинде куучындажат. Кажы ла катап турулталар кӧрӱлет ле мынаҥ ары ӧткӱретен иштер темдектелет.

Туштажуныҥ туружаачыларыныҥ тоозында Россияныҥ 67 тергеезиниҥ јурт јерлериниҥ ӱредӱчилери, медишчилери, культураныҥ учреждениелериниҥ чыгартулу улузы болгон. Валентина Матвиенко улус јурт јерлердеҥ кӧчӱп турганынаҥ улам анда иштеер аргалар астаганына ајару эдип, эм тургуза бу айалганы тӱзедерге келишпей турганын темдектеген. Jурт јерлердиҥ турумкай ӧзӱми аайынча иштер бу јылдаҥ ала јурт ээлемниҥ ӧзӱминиҥ государственный программазы аайынча ӧдӧр деген учурлу јетирӱ туштажуныҥ туружаачыларына база айдылган. Башкаруга јурттыҥ ӧзӱмине чыгарылып турган акча-манаттыҥ кемин кӧптӧтсин деп щӱӱлте эдилген. Туштажуда кӧдӱрилген сурактардыҥ бастыразы тергеебистеҥ барган делегацияга база јилбилӱ болгон.

Бу туштажуда Алтай Республикадаҥ балдардыҥ кеендигиниҥ Кан-Оозындагы школыныҥ педагогы Анжелика Молчоева ла каладагы «Гармония» гимназияныҥ ӱредӱчизи Екатерина Авдюшкина турушкан. Керек-јарактардыҥ программазы сӱреен толо ло јилбилӱ болгон. Ого российский јурттыҥ эҥ артык јонјӱрӱмдик ченемелиниҥ кӧрӱзи, курч сурактарды шӱӱжери кирген. Анайда ок делегаттар «София-2018» фестивальда турушкан. Тергеебистиҥ чыгартулу улузы ӧскӧ тергеелердеҥ келген коллегаларыла ченемелдериле ӱлешкен. Екатерина Авдюшкина ла Анжелика Молчоева кажызы ла бойыныҥ бӧлӱгинде иштеп, јуртыныҥ ла калазыныҥ јӱрӱминде эрчимдӱ туружат.

Бӱгӱн јурттыҥ ӧзӱми кӧп сабада јаҥныҥ структураларынаҥ ла јурттыҥ кажы ла кижизинеҥ камаанду. Бу јол-јорыктыҥ кийнинеҥ туштажуныҥ туружаачыларында јилбилӱ шӱӱлтелер табылган. Иштеер кӱӱндӱ улусты бириктирип, јӱрӱмди јарандырар, чыҥдый ла јилбилӱ эдер аргалар бар деп, олор бӱдет.

АР-дыҥ Башкарузыныҥ пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина