Чындык колбулардыҥ тӧзӧгӧзинде — «Алтайдыҥ Чолмоны» газедис

20.02.2018

Таланыҥ текши јӱрӱминде «Алтайдыҥ Чолмоны» газет аҥылу тӧс јерде турат. Бӱгӱнги кӱнде алтай тилдиҥ тӧс јери, очогы деп, «Алтайдыҥ Чолмоны» газеттиҥ редакциязын айдарга јараар. Су-алтай тилдӱ газедисти кычыраачылар 95 јылдыҥ туркунына кычырып јатканы агару керек. Окылу јаҥда, башкараачы иштерде, ведомстволордо, учреждениелерде ле оноҥ до ӧскӧ организацияларда иштеп јаткан улус јылдыҥ ла алтай тилдӱ газедине бичидип, алдыртып кычырат.

Тирӱ, ийделӱ сӧс, эрмектиҥ кӱрмели — газеттиҥ бӱктеринде. Алтай тилин, албатызын, алкы бойын тоогон јерлештерис газедине кандый ла ӧйдӧ бичиткен. Аргабыс, киребис кирелӱ деп айдынбай, бис калыҥ тӱӱкилӱ, ады јарлу от-калап ойроттор угынаҥ, газедистиҥ ӧзӱми, айалгазы, тиражы бистеҥ камаанду деп, бир кижидий туруп чыгала, газетке бичидип јӱрели. Газедистиҥ тиражы бойыстыҥ колыста. Jылдыҥ экинчи јарымјылдыгында оныҥ кычыраачыларыныҥ тоозы канча муҥга чыгары укту-тӧстӱ, калыҥ јуртту јерлештеристеҥ, слердеҥ, бистеҥ камаанду ине. Алтай тилистиҥ салымы бистиҥ бойыстыҥ колыста болгонын ундыбайлы.

Албатыныҥ, ороонныҥ јадын-јӱрӱминде экономикала колбулу јаан кызалаҥдар, ол тоодо не-немелердиҥ баазы бийиктеери, болуп та турган болзо, бистиҥ газетке бичидиштиҥ баазы калганчы тӧрт јылдыҥ туркунына бийиктедилбеген. Редакцияныҥ ӧмӧлиги албатыныҥ акча-манат јанынаҥ кызалаҥын кӧрӱп, јӱректи сыстадар курч суракты јакшы оҥдоп, газеттиҥ баазын бийиктедери јанынаҥ алтам этпеген, чыдашкан.

Бу таблицада республиканыҥ тӧс калазында организацияларда, учреждениелерде, комитеттерде ле ведомстволордо иштеп турган улус ортодо «Алтайдыҥ Чолмонына» 2018 јылдыҥ баштапкы јарымјылдыгына эдилген бӱгӱнги корпоративный бичидиштиҥ ле олордо иштеп турган улус газетке бичидип, оны редакциядаҥ келип алып турганыныҥ тоолоры кӧргӱзилген. Мында бир кыска јартамал эдип ийер керек: кандый бир организацияда иштеп турган улус бистиҥ газетке он экземплярдаҥ кӧптӧҥ бичитсе, газетти ол улуска иштеп турган јерине редакция бойы јетирет.

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым