Майорго јетирген «кызу» јолдор

22.02.2018

Адучы Адыкаев черӱчил молјузын Новосибирск каладагы 17-чи военный городокто 1996-1997 јылдарда бӱдӱрген. Ол ло тушта Читада кичӱ лейтенанттардыҥ ӱредӱ-курстары ӧдӧри темдектелип, уулдар јууп турган ӧй болгон. Кӧп сананбастаҥ, јиит уул бу курстарга атанган. Ӱредӱни једимдӱ божодып, аттестациялык ченелтелерди јеҥӱлӱ ӧткӧни учун кичӱ лейтенант деп звание алган.

Оноҥ Адучыга Новосибирск калада бойыныҥ черӱчил молјузын бӱдӱрген јерине иштеп келерге келишкен. Анайып, ишмекчи јолын Адучы Валерьевич взводтыҥ командири болуп баштайла, батальонныҥ командириниҥ ордынчызына јеткен.

Ижиле коштой, бийик ӱредӱ алар амаду тургузып, Адучы Валерьевич Новосибирскта институтты божоткон. Бойыныҥ јозокту ижи ле не-неменеҥ јана калбас кылыгыныҥ камааныла јамызы јаанап, кӧп каруулу иштерде туружарга келишкен. Ол тоодо Карачаево-Черкессияда, Ингушетияда, Кабардино-Балкарияда «кызу» јолдорды ӧткӧн. Ӱч јылга јуук ӧйгӧ Тӱштӱк Осетия ла Грузия ортодогы аайлашпастар тушта Россияныҥ миротворецтерин баштап јӱргендердиҥ бирӱзи болгон. Бу каруулу иш-керек учун Тӱштӱк Осетияныҥ президенти черӱчил частьтыҥ ӱч јуучылына кайрал табыштырган. Олордыҥ тоозында А. Адыкаев база «Тӱштӱк Осетияда амыр-энчӱни корыганы учун» медаль алып јанган.

Тургуза ӧйдӧ Адучы Валерьевич – Россия Федерацияныҥ коруланыш аайынча министерствозыныҥ майоры, јуучыл јепселдер аайынча кайучыл батальонныҥ командириниҥ ордынчызы. Билези, эш-нӧкӧри Сырга Юрьевна (кыс ӧбӧкӧзи Тандина) ла кару эки кызычагы, Алтайда артып, ыраакта иштӱ-тошту адазын сакыйт. Бойы оогош тушта Адучы милиционер болорго кӱӱнзеген. Ол кылык-јаҥыла јобош, бойына некелтези јаан, не-немеге каруулу. Jуучыл молјулу кижиниҥ кылык-јаҥында бу, байла, эҥ учурлузы ла керектӱзи.

Адучыныҥ энези Любовь Моисеевна оорудаҥ улам эрте јада каларда, адазы Валерий Петрович беш баланы јаҥыскан ла чыдадып, бутка тургузып салган. Адучы экинчи балазы. Быјыл кочкор айда оныҥ черӱге барала, баштап алган јолын ӧткӧниниҥ 20 јылы толды.

Алтай укту майор А. Адыкаев служба-ижинде аҥыланганы учун «За отличие в Вооруженных Силах» медальдыҥ баштапкы ла экинчи степеньдериле, «За воинскую доблесть» медальдыҥ ӱчинчи степениле, јуучыл молјузын Кавказта ӧткӧни учун «За службу на Кавказе» кайралла кайралдаткан. Тургуза ӧйдӧ Адучы Валерьевич Чечен республиканыҥ Грозный калазында иштейт.

М. ЯБЫКОВА

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина