Санааларында узакка артар

22.02.2018

Бу јуукта Кан-Оозыныҥ јарлу «Чарас» командазыныҥ оогош хоккеисттери Алтай Республиканыҥ адынаҥ Москваныҥ ла бастыра Арасейдиҥ Патриархыныҥ сыйына учурлай ӧткӧн маргаанда турушкан.

Балдардыҥ мячту хоккей аайынча эҥ тыҥ командалары ортодо маргаан Москвадагы Кызыл тепсеҥде јазалган катокто јетинчи катап ӧткӧн.

Патриархтыҥ кубогына ӧдӱп турган турнир 2011 јылда орус православный церкпе ле Россияныҥ хоккей федерациязы ортодо ӧмӧ-јӧмӧ иш аайынча тургузылган јӧптӧжӱдеҥ башталган. Ол кыш ӧйинде ӧдӱп турган маргаандардыҥ тоозында бек туруп алган деп айдар керек.
Быјылгы тартыжуларда Москвадаҥ, Сыктывкардаҥ, Ульяновсктоҥ, Нижний Новгородтоҥ, Краснотуринсктеҥ, Красноярсктаҥ, Кемероводоҥ, Хабаровсктоҥ, Ярославльдаҥ ла Кан-Оозынаҥ барган командалар турушкан.

Jеҥӱни Москваныҥ суворовецтери алган. Олор бу маргаандарда экинчи јыл улай јеҥӱчил болуп чыгат. Суворовецтер финалда Москваныҥ церковно-приходской школыныҥ јуунты командазын ойноп алган.

Кызыл тепсеҥде ӧткӧн турнирдиҥ кӱндӱлӱ айылчыларыныҥ тоозында ады-јолы јарлу эки ветеран — спорттыҥ нерелӱ устары, телекейдиҥ маргаандарыныҥ јаҥыс катап эмес јеҥӱчилдери Михаил Осинцев ле Николай Дураков болгон.

«Орооныстыҥ тӧс тепсеҥинде јазалган катокко чыкканы балдардыҥ санааларында бастыра јӱрӱмине артып калар ла тӱӱкиге кирер. Бу турнир орооныста мячту хоккейдиҥ ӧзӱмине ле балдарды тӧрӧлчи кӱӱндӱ эттире таскадарына камаанын јетирет. Мынаҥ ары бу маргаандарды албатылар ортодо ӧткӱрерин темдектейдис» — деп, Россияныҥ мячту хоккей аайынча федерациязыныҥ јааны Борис Скрынник айткан.

Jерлеш јиит хоккеисттерди јӧмӧӧргӧ, Алтай Республиканыҥ башкарузыныҥ вице-премьери Ирина Лозовая, Госдуманыҥ депутады Родион Букачаков ло Москвада јадып турган јерлештерис келип јӱрген.

«Чарас» команданыҥ балдары бу маргааннаҥ ла олорго учурлай ӧткӱрилген культуралык программадаҥ бийик кӱӱн-санаалу јанган деп, Алтай Республиканыҥ Москвадагы элчилигиниҥ пресс-службазы јетирет.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина