Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Кайралдар ла мак — Тӧрӧлин коручыларга

27.02.2018

Тӧрӧлин коручылардыҥ байрам кӱнине учурлалган кӧдӱриҥилӱ туштажу кочкор айдыҥ 22-чи кӱнинде эл театрда ӧтти.

Туштажу јуучыл марштыҥ кӱӱзи ойногон ӧйдӧ Алтай Республиканыҥ јуучыл комиссарыныҥ ордынчызы А. В. Войтов Россия Федерацияныҥ ла Кызыл Черӱниҥ мааныларын тудунган уулчактарга мааныларды экелзин деген јакарузыла башталган. Маанылар сценада тургузылган кийнинде, Алтай Республиканыҥ башкарузыныҥ председателиниҥ баштапкы ордынчызы Н. М. Екеева јуучыл молјузын ак-чек бӱдӱрип јӱргендерге уткуулду сӧзиле туштажуны ачты.

Бу байрамныҥ тӱӱкизин эске алып, Наталья Михайловна Ада-Тӧрӧл учун Улу јууда турушкан ветерандардаҥ бӱгӱн Алтай Республикада 70 туружаачы, 404 тул арткан келиндер, тылда иштеген 1301 кижи бар болгонын темдектеди. Бу улустыҥ Тӧрӧли учун эткен керектери ундылбаганын керелеп, залда отургандарды Наталья Михайловна изӱ колчабыжуга кычырды. Анайда ок Афганистанда, Чечен јеринде ле ӧскӧ дӧ «кызу» јерлердеги јуу-согуштарда туружып, јеҥ јастанган јуучылдар керегинде кыскарта куучындап, эске алды.

Бистиҥ тергееде черӱчил молјузын бӱдӱрерге кӱӱнзеген уулдардыҥ тоозы бийик кеминде болгонын, бӱгӱнги черӱчилдерди солыйтан уулчак-кадеттер ӧзӱп јатканын оморкодулу јетирди. Оноҥ Россия Федерацияныҥ Президентиниҥ јакааныла, агропромышленный комплекстиҥ ӧрӧ ӧзӱмине камаанын јетирип, кӧп јылдардыҥ туркунына ак-чек иштеген учун Оҥдой аймакта Кеҥидеги укту мал ӧскӱрер СПК-ныҥ јааны В. Г. Шадринге «Орден Почета» деп бийик кайрал табыштырды. «100 лет Рабоче-Крестьянской Красной Армии и Флоту» деп юбилейлик медальла Алтай Республиканыҥ «Афганистанныҥ ветерандары» деген јондык организациязыныҥ јааны С. И. Адлыков, «Jуучыл карындаштык» деп текшироссиялык биригӱниҥ республикадагы бӧлӱгиниҥ јааны А. М. Вилисов, Россияныҥ ветерандарыныҥ биригӱзиниҥ Алтай Республикадагы бӧлӱгиниҥ јааны С. В. Денчик, Ада-Тӧрӧл учун Улу јууныҥ ла Jеҥӱниҥ Парадыныҥ туружаачызы М. И. Нечаев, «Россияныҥ офицерлери» јондык биригӱниҥ Алтай Республикадагы бӧлӱгиниҥ председатели В. В. Перов, «Десантниктердиҥ биригӱзи» деп республикан јондык организацияныҥ јааны А. Р. Тулебаев кайралдатты. Алтай Республиканыҥ Кӱндӱлӱ грамотазын ак-чек ижи учун Турачак ла Чой аймактардыҥ јуучыл комиссариадыныҥ бӧлӱгиниҥ јааны А. Н. Горшенин алды.

Алтай Республиканыҥ башчызыныҥ, башкарузыныҥ председателиниҥ Быйанду самаразы Кош-Агаш аймактыҥ јуучыл комиссариадыныҥ бӧлӱгиниҥ јааны В. Б Бегеновко табыштырылды.
Эл Курултайдыҥ председателиниҥ ордынчызы М. А. Терехов уткуулду сӧзинде бу кӱн јаҥыс ла јуучылдардыҥ эмес, је анайда ок јаҥы корболоп ӧзӱп јаткан уулчактардыҥ база байрамы деп темдектеди. Оноҥ Эл Курултайдыҥ Кӱндӱлӱ грамотазын Алтай Республиканыҥ јуучыл комиссариадыныҥ јуучыл комиссарыныҥ ордынчызы Р. А. Комаровко, 3-чи таҥмалу гимназияныҥ технологияныҥ ӱредӱчизи М. В. Редковко, Эл Курултайдыҥ Быйанду самаразын јуучыл-талайлык флоттыҥ Алтай Республикадагы ветерандарыныҥ јааны В. Ю. Варыгинге, Алтай Республиканыҥ јаҥ корыычы органдарыныҥ ветераны Е. И. Суртаевке табыштырды.

Анайда ок јуулгандарды Алтай Республиканыҥ јуучыл комиссары, Горно-Алтайсктагы гарнизонныҥ башкараачызы О. М. Денисенко байрамла база уткыды. Олег Михайлович ижинде ак-чек болгоны ла јаш ӱйеге јуучыл-тӧрӧлчи таскамал ишти једимдӱ ӧткӱрип турганы учун Г. К. Жуковтыҥ адыла адалган 1-кы таҥмалу школ-интернаттыҥ кадетский ротазыныҥ командири Д. М. Александровко, Алтай Республикадагы јуучыл комиссариаттыҥ эмчилик комиссиязыныҥ председатели М. В. Шапошниковко грамота табыштырган. «100 лет Рабоче-Крестьянской Красной Армии и Флоту» юбилейлик медаль «Россия Федерацияныҥ јуучыл службазыныҥ ветерандары» јондык биригӱниҥ ветераны А. В. Поповко, јуучыл-талайлык флоттыҥ Алтай Республикадагы ветерандарыныҥ јааны В. Ю. Варыгинге, «Jуучыл керектерде турушкан ветерандар» јондык биригӱниҥ Улаган аймактагы јербойындагы бӧлӱгиниҥ председатели Р. П. Куюковко, јуучыл-талайчы флоттыҥ ветераны В. М. Березиковко табыштырылды.

Мынайып, телекей ичинде болгон јуу-чактардыҥ ветерандарыныҥ, солдаттардыҥ, пограничниктердиҥ ле ичбойындагы черӱлердиҥ јуучылдарыныҥ байрамы кӧдӱриҥилӱ айалгада ӧтти. Байрамды бойлорыныҥ кӱӱлик сыйыла јарандырган кожоҥчылардыҥ ла бијечилердиҥ тоозында Э. Толкочеков, М. Попошев, Н. Майманов, Д. Петпенеков, В. Колондина, С. Першина, Д. Маришина, кадеттер, культураныҥ ла санаттыҥ колледжиниҥ, педколледжтиҥ студенттериниҥ ӧмӧликтери, ФСБ-ныҥ Алтай Республикадагы Гран-кыйулык башкартузыныҥ вокал ӧмӧлиги ле Росгвардияныҥ ишчизи, полицияныҥ сержанты В. Кошев болды.

М. ЯБЫКОВА

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина