Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Талдаачы участоктор IP-камераларла јеткилделер

27.02.2018

«Ростелекомныҥ» Алтайский филиалыныҥ специалисттери видеонаблюдениениҥ системаларын талдаачы участоктордыҥ ӱнбериш ӧткӱрер кыптарыныҥ ла Алтай Республиканыҥ территориальный талдаачы камыстарыныҥ кыптарыныҥ кӧбизинде тургузып салган.

Системаларды тургузар иш учына јеткен деп, компанияныҥ пресс-службазы јетирген.
2018 јылда талдаштар канайда ӧдӱп турганын кӧрӧр видеонаблюдение јаҥы технологияла ӧдӧр — ӱнбериш ӧдӧр лӧ ӱндерди чоттоор јерлерде болгон јаан программно-аппаратный комплекстердиҥ ордына јуунак IP-камералар тургузылар, ол камераларды компьютерге колбобос.

Связьтиҥ Алтай Республикадагы операторы видеонаблюдениениҥ системаларын 55 объектте тургузар учурлу, олордоҥ јирмези — республиканыҥ тӧс јеринде, 35-и — аймактардыҥ тӧс јерлеринде. Камералар јурукка согорын ла ол ок ӧйдӧ табыштарды бичиирин ӱзӱги јогынаҥ ӧткӱрерин јеткилдеер. Ол видеобичимелдер соҥында бу компанияныҥ обработка аайынча тӧс јерлеринде чеберлелер. Бу ишти толо кеминде бӱдӱрерге, беш талдаачы участокко оптический сеть ӱзеери тудулар.

«Ростелеком» тулаан айдыҥ башталганында ЦИК-тиҥ ле тергеелик избиркомдордыҥ ишчилерине аҥылу служебный портал ачар, ол ажыра талдаштардыҥ алдында видеонаблюдениениҥ эп-аргалары иштеерине канайда белетелип турганын шиҥжӱде тудар арга болор.
Талдаштар ӧдӧр кӱнде трансляцияны оператор IP-камералардыҥ болужыла интернетте «онлайн» бӱдӱмле кӧргӱзерин јеткилдеер. Анайда ок компания кажы ла филиалда ситуационный тӧс јерлер тӧзӧӧр лӧ порталдыҥ тузаланаачыларын јӧмӧӧргӧ, «8-800» кодту номер берер.

Талдаштар ӧткӱрер ӧйдӧ, 2018 јылдыҥ тулаан айыныҥ 17-чи кӱнинеҥ ала 19-чы кӱнине јетире, ишти јеткилдеерге, «Ростелекомдо» тӱни-тӱжи болор дежурство тӧзӧлӧр, анда компанияныҥ горно-алтайский бӧлӱгиниҥ ишчилериниҥ 10 бригадазы туружар.

Россия Федерацияныҥ Президентиниҥ талдаштары ӧйинде Алтай Республиканыҥ ыраак турлуларында ла кордондорында ӱнбереечилер ӱндерин ӧйинеҥ озо берери тулаан айдыҥ 2-чи кӱнинеҥ ала 16-чы кӱнине јетире ӧйдиҥ туркунына ӧдӧр. Анайда ок ӱнбериш ӧдӧр јердеҥ ыраак, транпортный колбу јанынаҥ уур-кӱчтер бар јерлердеги ӱнбереечилер ӱндерин база ӧйинеҥ озо берер аргалу. Андый ӱнбериш Кош-Агаш, Турачак, Улаган ла Кӧксуу-Оозы аймактардыҥ бир канча талдаачы участокторында ӧдӧр. Кош-Агаш аймакта мындый ӱнбериш тулаан айдыҥ 2-чи кӱнинеҥ ала 16-чы кӱнине јетире, Турачак аймакта — тулаан айдыҥ 16-чы кӱнинде, Улаган аймакта — тулаан айдыҥ 12-чи кӱнинеҥ ала 16-чы кӱнине јетире, Кара-Jӱректеги ле Ак-Кемдеги метеорологический станцияларда — тулаан айдыҥ 9-чы кӱнинеҥ ала 16-чы кӱнине јетире ӧдӧр.

АР-дыҥ Талдаачы кӱреези

ТОП

Конституция Российской Федерации

Принята всенародным голосованием 12 декабря 1993 года Конституция Российской Федерации с изменениями, одобренными в ходе общероссийского голосования 1 июля 2020 года

Олег Хорохордин. Алтай Республиканыҥ бажында — бир јыл

       Олег Хорохордин Алтай Республиканы туй ла бир јылдыҥ туркунына башкарып јат. Бу кыска ӧйгӧ тергееде ондор тоолу школдор, балдардыҥ садиктери, фельдшерско-акушерский пункттар, јолдор ло кӱрлер чыныкталып тудулган. Башчы келер ӧйгӧ оноҥ до кӧп иштер темдектеп алган.

«Эҥ баштапкы болуп Гуркин артар…»

«Jаҥы jурукчылар чыгар, оны (кеендик-санатты) европей кемине кӧдӱрер, jе бу jолдо эҥ баштапкы болуп Г. И. Гуркин артар…»—деп, 1907 jылда Григорий Ивановичтиҥ Томск калада ӧткӧн таҥынаҥ баштапкы кӧрӱзи керегинде  Петербургтыҥ критиги М. Далькевич бичиген. Оноҥ бери  чактаҥ ажыра ӧй ӧтти.