Тергееде туризмниҥ ӧзӱмин шӱӱшкен

27.02.2018

Алтай Республиканыҥ башчызы Александр Бердников Алтай Республикага ишмекчи јол-јорыкла келген Туризм аайынча федерал агентствоныҥ јааныныҥ ордынчызы Николай Королевло тушташкан.

Олор тергееде туризмниҥ ӧзӱми керегинде куучындашкан. Куучын-эрмек туучананыҥ «Манжерок» комплексинде трассаларды карла бӱркеери аайынча ӱлекер-проектти јӱрӱмде бӱдӱрери керегинде ӧткӧн. Бу ӱлекер-проект 2011-2018 јылдарга ич ле тыш туризмди ӧскӱрери аайынча федерал ууламјылу программага тайанып ӧдӧт.

«Баштапкы бӧлӱкте Озерной јурттыҥ јанында «ГЛК Манжерок — Чуйдыҥ трагы» деп адалган јолды тудар керек болгон. Оны јӱрӱмде бӱдӱрерге 130 миллион салковой алганыс. Эмди мында јарыткыштарла јеткилделген јакшынак трасса јадат. Ӧткӧн јылда бу ла комплекстеги трассаларды искусственный эп-сӱмеле карла бӱркеер иштерди баштап ийген эдис. Мынаҥ озо јылдарда, кар једишпей турганынаҥ улам, анда чанала јыҥылар сезон кыска болгон болзо, келер јылдагы сезон эки катапка узун болор. Не дезе, трассаларды искусственный эп-сӱмеле карла бӱркеер системаны 2018 јылдыҥ јаҥар айыныҥ 1-кы кӱнинеҥ ала иштедери темдектелет» — деп Александр Бердников айткан.

Оныҥ темдектегениле, ӧткӧн јылда федерал ууламјылу программа аайынча республика 100 миллион салковой алган. Быјыл – 400 миллион салковой, олордоҥ 100 миллионы тергеебиске келген ле эмди ишти бӱдӱреринде тузаланылат.

«Чыгарылып јаткан акча-манат толо кеминде берилер деп, бӱгӱн бисти бӱдӱмјиледилер. Иштер темдектелген график аайынча ӧйи-ӧйинде эдилип турганыныҥ шылтузында, акча-манат ӱлелер тушта тергеебис, байа бир приоритетный дейтен тергеелердиҥ тоозында болгон» — деп, тергеениҥ башчызы айткан.

Туштажу ӧйинде Караколдыҥ кӧлдӧринде туристический зона тӧзӧӧри керегинде куучын-эрмек база ӧткӧн. Тургуза ӧйдӧ бу кӧлдӧргӧ автомобильный транспортло једетени сӱрекей кӱч керек. Анда јерлик туризм ӧзӱм алынат, онызы экологияга салтарын јетирет.

«Бӱгӱнги кӱнде Караколдыҥ кӧлдӧри јоголтылып јаткан деп айдарга јараар. Кем де андагы јерлерди арендага алат, је алынган молјуларын бӱдӱрбейт. Анда туалеттердеҥ болгой улус амырагадый айалгалар да јок. Бис бу айалганы солыгадый ӱлекер-проект белетегенис. Бу ӱлекер аайынча кӧлдӧрдиҥ јаны јазалар, гостиничный комплекстер, туучанала тӱшкедий јолдор тудулар. Ары келип турган туристтердиҥ тоозын аайлу-башту эдерис. Учурлу болгоны – эл-јонго иштеер јерлер тӧзӧлӧр» — деп, Александр Бердников айткан.

Бу ӱлекер-проектти јӱрӱмде бӱдӱрер тушта экологиялык јеткер болдыртпазыныҥ бастыра эп-аргалары ајаруга алынар. Оныла колбулу кезик шиҥжӱ иштер ӧткӱрилген. Ӱлекер аайынча узуны 50 километр Урлу-Аспак – Каракол јолды тудары темдектелет.
«Бу инвестициялык ӱлекер-проектле федерал ууламјылу программага кирерге болуп конкурста туружарыс. Алтай Республика ол программага кыйалтазы јогынаҥ кирер деп чоттойдыс» — деп республиканыҥ башкараачызы айткан.

АР-дыҥ башкарузыныҥ пресс-службазы

ТОП

Положение Конкурса на Стипендию имени заслуженного журналиста Республики Алтай Галины Тюгай

УТВЕРЖДАЮ Приказом и.о. главного редактора АУ РА «Редакция газеты «Алтайдыҥ Чолмоны» от _____________ № Кудачина Э.В. Положение Конкурса на Стипендию имени заслуженного журналиста Республики Алтай Галины ТЮГАЙ Объявлен Конкурс на Стипендию имени заслуженного журналиста Республики Алтай Галины Тюгай. Организатор: редакция республиканской газеты «Алтайдыҥ Чолмоны» (далее Редакция). К участию приглашаются обучающиеся 4-11 классов общеобразовательных школ Республики

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир